20:43, 18 - قاراشا 2014 | GMT +6
قازاقستان كۇردەلى كەزەڭدى بولجاپ، قارجى قورىن دەر كەزىندە قۇردى - يتاليا سەناتورى سەردجيو ديۆينا
استانا. قازاقپارات - قازاقستان پرەزيدەنتىنىڭ حالىققا ارنالعان جولداۋىمەن تانىسقان يتالياندىق سەناتور سەردجيو ديۆينانىڭ سوزىنە قاراعاندا، ەۋروپالىق وداقتا قازىر وسىنداي قور جەتىسپەيدى.
«قازاقستان كۇردەلى كەزەڭدى بولجاپ، قازىر پايدالانا الاتىن قارجى رەزەرۆىن ۋاقتىلى قۇردى. يتاليادا جانە بارلىق ەۋروپادا مۇنداي رەزەرۆ جوق. مۇنداي تۇراقتاندىرۋ قورى قازىر، ەكونوميكالىق داعدارىس كەزىندە بىزگە ۇلكەن قولداۋ بولار ەدى. الايدا ءبىز مۇنداي جۇيە قۇرۋعا ارەكەتتەنسەك تە، وكىنىشكە قاراي ەش ناتيجە شىقپادى»، - دەيدى يتاليا پارلامەنتى سەناتىنىڭ دەپۋتاتى سەردجيو ديۆينا.
