يليا يلينگە قىزىلوردا وبلىسىنىڭ اكىمى اۆتوكولىك مىنگىزدى - فوتو

 قىزىلوردا. قازاقپارات - بۇگىن قىزىلوردالىقتار ەكى دۇركىن وليمپيادا، ءتورت دۇركىن الەم چەمپيونى يليا ءيليندى ۇلكەن قوشەمەتپەن كۇتىپ الىپ، جەڭىسىمەن قۇتتىقتادى. مۇنان سوڭ جەڭىمپازدى وبلىس اكىمى ق. كوشەربايەۆ قابىلدادى.

 «بۇل بيىكتەن كورىنۋىڭ ءۇشىن كوپ ەڭبەكتەندىڭ. ساعان ەلىڭ جانە ەلباسى ۇلكەن سەنىم ارتتى. ونى ابىرويمەن اقتادىڭ. كوك بايراعىمىز كوكتە جەلبىرەپ، ءانۇران شىرقالعاندا قۋانباعان جان بولمادى. ەندى ءتورت جىلدىقتىڭ باستى باسەكەسى برازيليادا وتەتىن وليمپيادادا ءۇشىنشى مارتە توپ جارۋىڭا تىلەكتەسپىن. جالپى، سىر وڭىرىندە اۋىر اتلەتيكاعا ايرىقشا كوڭىل بولىنۋدە. ماسەلەن، كەلەر جىلى يليا يلين اتىنداعى سپورت كەشەنىنىڭ قۇرىلىسى باستالادى. بۇل كەشەن بارلىق حالىقارالىق تالاپتارعا ساي بولادى، - دەدى وبلىس اكىمى ق. كوشەربايەۆ.



ءتورت دۇركىن الەم چەمپيونىن جەڭىسىمەن قۇتتىقتاعان ايماق باسشىسى تولاعايعا جول تالعامايتىن «Toyota Land Cruiser»  اۆتوكولىگىنىڭ كىلتىن سالتاناتتى تۇردە تابىس ەتتى، باپكەرى تويشان بەكتەمىرگە 10 مىڭ ا ق ش دوللارىنىڭ سەرتيفيكاتىن تابىس ەتتى.

 - ارينە، جەڭىسكە جەتۋ وڭاي بولعان جوق. باسەكەلەستىك جوعارى بولدى. قارسىلاستار تىڭعىلىقتى دايىندىقپەن كەلگەن. ءوز وتانىمدا توپ جارۋ باستى ماقساتىم بولدى. حالقىمنىڭ قولداۋىنىڭ ارقاسىندا بۇل بيىكتىكتى باعىندىردىم. مەنىڭ مىندەتىم دودالارعا قاتىسىپ، ەلگە التىن اكەلۋ بولسا، ءسىز دە ايماقتى كوركەيتۋ جولىندا ايانباي    ەڭبەك ەتىپ جاتىرسىز. ءبىز بىرىگىپ قانا ۇلكەن جەتىستىكتەرگە جەتەمىز. قولداۋ كورسەتكەندەرىڭىز ءۇشىن العىسىم شەكسىز، - دەدى يليا يلين.

سونداي- اق، «قازگەر مۇناي» ب ك» ا ق باسشىلىعى الداعى ريو- دە- جانەيرودا وتەتىن وليمپيادا دايىندىعىنا دەمەۋشىلىك جاساۋعا نيەت ءبىلدىردى.

مۇنان سوڭ، قىزىلوردالىقتار چەمپيونعا قۇرمەت رەتىندە اۆتوشەرۋ ۇيىمداستىردى. وعان يليا سەرپە كوتەرۋدە باعىندىرعان 242 كەلىگە بايلانىستى، سونشا كولىك قاتىستى.

 

 اۆتور: ەلۋباي اۋەزوۆ