12:25, 18 - قاراشا 2014 | GMT +6
مۇسىلماندار مەن حريستياندار اتەيزمگە قارسى تىزە قوستى
استانا. قازاقپارات - مىسىردىڭ يسلام جانە حريستيان ۇيىمدارى قوعامدى جايلاعان اتەيستىك كوزقاراسقا تويتارىس بەرۋ ءۇشىن تىزە قوستى.
پيراميدالار ەلىنىڭ حريستيان شىركەۋىنىڭ باسشىلىعى وسى ماقساتتا الەمگە ايگىلى ءال-ازھار مەشىتىمەن ىنتىماقتاساتىن بولادى.
ناقتىراق ايتقاندا، وسى اپتادا ءال-ازھار مەن كوپتاردىڭ پراۆوسلاۆ شىركەۋى ارنايى فورۋم وتكىزەدى.
كوپتار پراۆوسلاۆ شىركەۋىنىڭ وكىلى پۋلەس حاليمنىڭ ايتۋىنشا، اتالمىش جيىن كەزىندە يسلام جانە حريستيان عالىمدارى ەلدەگى اتەيستىك اعىمعا تويتارىس بەرۋدىڭ، سونداي-اق، قوعام مۇشەلەرىن اتەيستەردىڭ ىقپالىنان قۇتقارۋدىڭ جولدارىن قاراستىرادى.
islam.kz
