الماتىدا كونە زاماندا ءومىر سۇرگەن ايەلدىڭ مولاسى تابىلدى
تابىلعان جاڭالىقتىڭ بىرەگەيلىگى ونىڭ جەرلەنۋ ەرەكشەلىكتەرى مەن مولانىڭ ىشىندە جاتقان زاتتاردا بولۋدا. جەرلەنگەن ايەلدىڭ قاسىندا بالشىق ىدىس، قۇرباندىققا شالىنعان قويدىڭ سۇيەكتەرى، ۇلكەن قولا ساقينا، شاشقا ارنالعان تۇيرەۋىشتەر جانە ەڭ قىزىعى - قولا اينا بولدى. قازاقستان بويىنشا وسىنداي ون كونە اينا تابىلعان.
«بىزگە سۋي كەزەڭىندە ءومىر سۇرگەن ايەلدىڭ تۇتاس، تونالماعان مولاسىن تابۋ بۇيىردى. وكىنىشكە قاراي، ونىڭ بارلىق سۇيەكتەرى ساقتالماعان، ءبىراق جەرلەنگەن زاتتار، مولانىڭ ورنالاسۋى مەن باسقا دا جايتتار عالىمدارعا كوپتەگەن دۇنيەلەردى اشۋعا كومەكتەسە الادى. جەرلەۋ كونسترۋكتسياسىنىڭ ءوزى سيرەك بولىپ كەزدەسەدى، مەنىڭ تاجىريبەمدە ونداي ءالى بولماعان»، - دەدى مۇراجايدىڭ عالىم حاتشىسى مۇرات نۇرپەيىسوۆ.
بۇدان باسقا، ارحەولوگتار اتالعان توبەدە ايەلدىڭ جالعىز جەرلەنبەگەنىن، قاسىندا ونىڭ جۇبايى دا جەرلەنۋى مۇمكىن دەپ ايتادى. اتالعان ۋچاسكەدەگى جۇمىستار جالعاسۋدا.
بارلىق ەكسپوناتتار تولىق قارالىپ، قالپىنا كەلتىرىلدى جانە مۇراجاي ەكسپوزيتسياسىنا جىبەرىلدى.
