عالىمدار: ايدىز اۋرۋى تىرناق تازالايتىن قۇرالدار ارقىلى جۇعادى

استانا. قازاقپارات - دارىگەرلەر ا ي ت ۆ (ۆ ي چ) ىندەتىن ءتيىستى وڭدەۋدەن وتكىزىلمەگەن مانيكيۋر قۇرالدارىن (تىرناق تازالايتىن قۇرالدار) قولدانۋ كەزىندە جۇقتىرۋ قاۋپى بار ەكەندىگىن مالىمدەدى.

ەسكەرتۋگە 22 جاستاعى بويجەتكەننىڭ وقيعاسى سەبەپ بولدى.

ول ا ي ت ۆ اۋرۋىنا شالدىققان تۋىسقان قىزدان مانيكيۋر قۇرالدارىن الىپ، قولدانعان سوڭ، اۋرۋدى وزىنە جۇقتىرىپ العان، دەپ جازادى شەتەلدىك ب ا ق.

اپالى-ءسىڭلىلى مانيكيۋر جيىنتىقتارىن سوڭعى بىرنەشە جىل بويى ورتاق قولدانىپ كەلگەن، سونىڭ سالدارىنان دەنى ساۋ بويجەتكەن ىندەتتى جۇقتىرىپ الدى. تالداۋ 22 جاستاعى بويجەتكەننىڭ ىندەتتى جۇقتىرىپ العانىن كورسەتكەننەن كەيىن دارىگەرلەر زەرتتەۋلەرىن جالعاستىرىپ، وعان ا ي ت ۆ ىندەتىنىڭ ءتيىستى تازالاۋدان وتكىزىلمەگەن مانيكيۋر قۇرالدارى ارقىلى جۇققانىن دالەلدەدى.

ولار ىندەتتىڭ جۇعۋى مۇمكىن باسقا جولدارىن جوققا شىعارىپ، ەندى مانيكيۋر قۇرالدارى تەرىنى شانىشقىلاپ بوياپ اشەكەيلەۋگە (تاتۋ) ارنالعان، اكۋپۋنكتۋرلىق جانە ينەكتسيالىق ينەلەر سياقتى تىيىم سالىنعان قۇرالدار تىزىمىنە ەنگىزىلۋى ءتيىس ەكەنىن اتاپ ءوتتى.

ءبىراق، دارىگەرلەردىڭ سەندىرۋىنشە، ىندەت لاس مانيكيۋر قۇرالدارى ارقىلى بەرىلسە دە، ىندەتتى جۇقتىرۋ قاۋپى جوعارى ەمەس دەپ باعالايدى.