03:41, 18 - قاراشا 2014 | GMT +5
تايلاندتا ادامنىڭ دەنە مۇشەلەرىن ا ق ش-قا وتكىزبەك بولعان
استانا. قازاقپارات - بانگكوك پوليتسياسى ادامنىڭ دەنە مۇشەلەرىن ا ق ش-قا اسىرماق بولعان ەكى امەريكالىق ازاماتتى قولعا ءتۇسىردى. ولار كىشكەنتاي بالانىڭ باسىن، ەكى اياعىن، ۇلكەن كىسىنىڭ تەرىسىنىڭ بولشەگىن جانە پىشاقپەن جارالانعان جۇرەكتى بانگكوكتان لاس-ۆەگاسقا ۇشاق ارقىلى سالىپ جىبەرمەك بولعان.
امەريكالىقتار ۇستالعاننان كەيىن بىرنەشە ساعات بويى تەرگەلىپ، كەيىن قايتا بوستاندىققا جىبەرىلدى. ايتۋلارىنشا، اتالعان دەنە مۇشەلەرىن تايلاند استاناسىنداعى بازارلاردىڭ بىرىنەن ساتىپ الىپ، ا ق ش-تاعى دوستارىنا «توسىن سىي» جاساماق بولعان كورىنەدى.
قازىرگى تاڭدا تايلاند پوليتسياسى ادام مۇشەلەرىنىڭ قاندايدا ءبىر قىلمىسقا قاتىسى بار-جوعىن انىقتاۋ ۇستىندە.
Baq.kz
