20:06, 17 - قاراشا 2014 | GMT +6
اق ءۇي ەلەكتروندى پوشتاسىن ءوشىرىپ تاستادى
استانا. قازاقپارات - حاكەرلەردىڭ ۇزدىكسىز شابۋىلىنان قورىققان ا ق ش مەملەكەتتىك دەپارتامەنتى ەلەكتروندى پوشتاسىن ءوشىرىپ تاستادى. بۇل تۋرالى Bnews.kz سايتى حابارلايدى.
اق ءۇي ماماندارى كومپيۋتەر جەلىسىندەگى حاكەرلەر بەلسەندىلىگىن شابۋىل جاسالىپ جاتقاندا بىردەن بايقاعان. بۇل وقيعا جايلى تەك قازان ايىنىڭ سوڭىندا حابار تاراتىلعان بولاتىن. مەملەكەتتىك دەپارتامەنت وكىلدەرى اتالعان وقيعانى بۇقاراعا جاريالاماۋدى ۇيعارعانىمەن، اقپارات قۇرالدارى بۇل جايدان حاباردار بولعان.
كەيىننەن ماماندار جۇيەنىڭ جۇمىسىن تەكسەرىپ، 14- قاراشادا پوشتا قىزمەتىن مۇلدە توقتاتىپ تاستاعان. اق ءۇي باسشىلىعىنىڭ حابارلاۋىنشا، ەلەكتروندى پوشتا جاقىن كۇندەردە قايتا ىسكە قوسىلادى.
