وليمپيادا چەمپيونى مايا مانەزا جول-كولىك وقيعاسىنا ۇشىرادى - فوتو
الەمنىڭ ەكى دۇركىن چەمپيونىنىڭ اۆتوكولىگى جولدان شىعىپ كەتىپ، ارىققا قۇلادى. مايا مانەزانىڭ كۇيەۋى وقيعادان ەشكىمنىڭ زارداپ شەكپەگەنىن ايتتى. «ءبىزدىڭ جاعدايىمىز جاقسى، مايا ارىققا ءتۇسىپ كەتتى. ءبىز ەشكىمدى قاعىپ كەتپەدىك، ەشقانداي جول اپاتى بولمادى. وسى وقيعادان سوڭ ب ا ق ءبىزدى ءىرى اپاتقا ۇشىرادى دەپ شۋ كوتەردى. بۇل ولاي ەمەس، ءبىز ساۋ بولدىق، جۇرگىزۋشى قاتەلىگىنە عانا جول بەرىلدى. ماشينا ءسال-ءپال زاقىمداندى، ونى جوندەۋگە اپارامىز»، - دەدى ۆياچەسلاۆ ەرشوۆ.
ەسكە سالا كەتەيىك، 14- قاراشا كۇنى مايا مانەزا الماتىدا اۋىر اتلەتيكادان وتكەن الەم چەمپيوناتىنا قاتىسقان ەدى. بالا بوسانعان زىلتەمىرشى ەكىجىلدىق ۇزىلىستەن كەيىن سپورتقا ورالىپ وتىر. 69 كەلىگە دەيىنگى سالماقتا ول سەگىزىنشى ورىندى يەلەندى. ال تاعى ءبىر قازاقستاندىق اۋىراتلەت قىز جازيرا جاپپارقۇل جۇلقا كوتەرۋدەن ءۇشىنشى ورىن الدى. قازاقستاننىڭ اۋىراتلەتتەرى الەم چەمپيوناتىنىڭ جالپى كوماندالىق ەسەبىندە ءۇشىنشى ورىندى يەلەندى. قۇراما ءۇش التىن، ەكى كۇمىس ناگراداعا قول جەتكىزدى. ءزۇلفيا چينشانلو (53 كەلىگە دەيىنگى سالماقتا)، جاسۇلان قىدىربايەۆ (94 كەلىگە دەيىنگى سالماق) پەن يليا يلين (105 كەلىگە دەيىنگى سالماق) چەمپيون اتاندى.
