قازاقستاندا جەمقورلىقپەن كۇرەسكەرلەردى شەتەلدىك ساراپشىلار وقىتاتىن بولادى

استانا. قازاقپارات - قازاقستاندىق جەمقورلىقپەن كۇرەس سالاسىنداعى مامانداردى نورۆەگيا، فينليانديا جانە اۆستريا ساراپشىلارى وقىتاتىن بولادى.

بۇل تۋرالى بۇگىن «جەمقورلىقتى بولدىرماۋدىڭ كوكەيكەستى ماسەلەلەرى: قوعام جانە بۇقارالىق اقپارات قۇرالدارىمەن ءوزارا ارەكەتتەستىك» سەمينارىنىڭ بارىسىندا ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى بولاتبەك ءابدىراسىلوۆ مالىمدەدى.

«جاقىندا اكادەميامىزدىڭ دەلەگاتسياسى نورۆەگيا، فينليانديا جانە اۆسترياعا ساپار جاسادى. ساپار بارىسىندا ءبىز الەمدە جەمقورلىققا قارسى ارەكەت سالاسىنداعى ۇزدىك مامانداردىڭ ءبىزدىڭ وقىتۋ پروتسەسىمىزگە جۇمىلدىرىلاتىنىنا كەلىستىك»، - دەپ حابارلادى ب. ءابدىراسىلوۆ.

بۇدان باسقا، ونىڭ ايتۋىنشا، نورۆەگيانىڭ قوعامدىق باسقارۋ جانە ەلەكتروندىق ۇكىمەت اگەنتتىگىنىڭ ساراپشىلارىمەن ق ر پرەزيدەنتى جانىنداعى مەملەكەتتىك باسقارۋ اگەنتتىگىنىڭ ءبىلىم بەرۋ باعدارلامالارىن جاقسارتۋ تۋرالى كەلىسىمگە قول جەتكىزىلدى.