استانا قالاسى اكىمىنىڭ ورىنباسارى تاعايىندالدى

استانا. قازاقپارات - ەلوردا باسشىسىنىڭ وكىمىمەن ايتمۇحامەتوۆ قوسمان قايىرتاي ۇلى استانا قالاسى اكىمىنىڭ ورىنباسارى بولىپ تاعايىندالدى.

ق. ايتمۇحامەتوۆ تىرشىلىكتى قامتاماسىز ەتۋ جانە ينفراقۇرىلىمدى دامىتۋ ماسەلەلەرىنە جەتەكشىلىك ەتەدى. ەنەرگەتيكا، سۋمەن قامتۋ، گازبەن قامتۋ ۇيىمدارىنىڭ جۇمىسىن ۇيلەستىرۋدى، تىرشىلىكتى قامتاماسىز ەتۋ، قورشاعان ورتانى قورعاۋ جانە تابيعات پايدالانۋ سالالارىندا وڭىرلىك باعدارلامالاردىڭ ورىندالۋىن قامتاماسىز ەتۋدى جۇزەگە اسىرادى، دەپ حابارلادى اكىمدىكتىڭ رەسمي سايتىنان.

بۇگىن اپپاراتتىق كەڭەس بارىسىندا ادىلبەك جاقسىبەكوۆ جاڭا قالا باسشىسىنىڭ ورىنباسارىن ۇجىمعا تانىستىردى. ەلوردا اكىمى بۇرىنعى قالا باسشىسىنىڭ ورىنباسارى ۆاسيليي كرىلوۆقا اتقارعان قىزمەتى ءۇشىن العىس ءبىلدىردى جانە جاڭا قىزمەتىندە تابىس تىلەدى.