جۋرناليستەر ماعان ۇلكەن رۋح بەردى - ا. وتاربايەۆ
«جالپى، اربادا وتىرىپ بيلەۋ - سپورتتىڭ وتە كورىكتى ءارى ادەمى ءتۇرى دەپ ويلايمىن. بۇل سپورتتىڭ ءتۇرى پاراليمپيادا ويىندارىنىڭ باعدارلاماسىنا جاقىندا قوسىلدى. پاراليمپيادا ويىندارىنا العاش رەت قاتىسۋىمىز. دەگەنمەن، جاقسى بيلەپ شىقتىق دەپ ويلايمىن. مەنىڭ ماقساتىم - باسقا دا اربادا وتىرعان، مۇمكىندىگى شەكتەۋلى ادامدارعا ۇلگى بولىپ، ولاردى دا سپورتقا شاقىرۋ»، - دەيدى كۇمىس جۇلدەگەر.
پاراليمپيادا ويىندارىندا ەل نامىسىن قورعاپ، وسىنداي جۇلدەلى ورىنداردان كورىنىپ جۇرگەن ارداق ينچحونداعى جارىستا قازاق جۋرناليستەرىن كورىپ، نامىسقا تىرىسقانىن جاسىرمادى.
«تاعى دا ايتا كەتەرلىگى، ينچحوندا ءبىزدىڭ جۋرناليستەردى كوردىم. ولار ماعان ۇلكەن رۋح بەردى. سەبەبى، جۋرناليستەر جارىستى بۇكىل ەلگە تاراتادى، حالىق مەنى كورەتىنىن ءبىلدىم. سوندىقتان، حالقىمنىڭ الدىندا جاقسى ناتيجە كورسەتۋگە بەل بايلادىم»، - دەيدى سپورتشى. جالپى، ارداق وتاربايەۆ دەنى ساۋ بولسىن، مۇمكىندىگى شەكتەۋلى ادام بولسىن سپورتتى ءسۇيۋى كەرەك دەپ سانايدى.
«ءبىز ءۇشىن سپورت دەنساۋلىعىمىزدى ساۋىقتىرىپ وتىرۋ ءۇشىن ۇلكەن ماڭىزعا يە سالا»، - دەيدى ارداق.
كەنجەكەي توقتامۇرات
