11:50, 17 - قاراشا 2014 | GMT +6
احمەتجان ەسىموۆ الماتىدا بولعان جارىلىستىڭ سەبەبىن شۇعىل انىقتاۋدى تاپسىردى
الماتى. قازاقپارات - الماتى اكىمى بۇگىن ءسان جانە ديزاين كوللەدجىندە بولعان جارىلىستىڭ سەبەبىن شۇعىل تۇردە انىقتاۋدى تاپسىردى. ونىڭ تاپسىرماسى بويىنشا قازىر اكىمنىڭ ورىنباسارى يۋريي يليننىڭ باسقارۋىمەن ارنايى كوميسسيا قۇرىلدى.
سونىمەن قاتار، قالا باسشىسى قالالىق دەنساۋلىق ساقتاۋ باسقارماسىنا توتەنشە جاعدايدان جاپا شەككەن ادامداردىڭ دەنساۋلىعىنا اسا ءمان بەرۋدى قاتاڭ تاپسىردى.
ەستەرىڭىزگە سالا كەتەيىك، بۇگىن تاڭەرتەڭ الماتىداعى ءسان جانە ديزاين كوللەدجى عيماراتىنىڭ ەكىنشى قاباتىندا باستاپقى اسكەري دايىندىق ساباعىندا جارىلىس بولدى. توتەنشە جاعداي سالدارىنان 1 قىز وقيعا ورنىندا قازا بولىپ، 8 ادام، (ونىڭ ىشىندە وقىتۋشى دا بار) جاپا شەكتى. 60 ادام قاۋىپسىز جەرگە كوشىرىلدى.
اۆتور: گۇلميرا عوسمانالي
