قوستانايدا زاعيپ جانداردىڭ تۇڭعىش جىر جيناعى جارىق كوردى
ليۋدميلا تۋپيتسينا 5 جاسىندا كوز جانارىنان ايىرىلعان.
ايتۋىنشا، تۇماۋدىڭ اسقىنىپ كەتۋى سەبەپ بولعان. ءسوز قۇراستىرىپ، ولەڭ جازۋعا 1 جىل بۇرىن دەن قويىپتى. وسى ۋاقىتتىڭ ىشىندە 100 گە جۋىق جىر شۋماقتارىن شىعارعان. «بويىما شابىت كۇتپەگەن جەردەن كەلدى»، - دەيدى اۋەسقوي اقىن.
دەمەۋشىلەردىڭ كومەگىمەن بۇل كىتاپتىڭ جالعىز عانا داناسى شىعىپتى. جۇزگە جۋىق ولەڭدەردىڭ باسىم بولىگى حاميت ەسمۇراتوۆتىكى. اسكەردە جۇرگەندە جازاتايىم جانارىنا زاقىم كەلگەن. قازىر ەكى كوزى سۋ قاراڭعى. حاميت كوپتەن بەرى جيناقتاعان شىعارمالارىنىڭ جارىق كورگەنىنە ريزا.
«مىناۋ مۇگەدەكتەر، كوزى كورمەيتىن ادامدار ءوزىنىڭ ىستەگەن جۇمىستارىن كورسەتىپ، جۇرتقا ءبىلدىرتىپ دەگەندەي ۇلكەن جۇمىس ىستەلىنگەن. اسىرەسە مىناۋ كىتاپحانا مەن ماريا اميرگاليۆەنا كوللەكتيۆىمەن ۇلكەن راحمەت ايتامىز»، - دەيدى ءبىرىنشى توپتاعى مۇگەدەك، اقىن حاميت ەسمۇراتوۆ.
كىتاپحانانىڭ وزىندە ايقىن نۇكتەلى ارىپتەرمەن تەرەتىن ارنايى اپپارات بار. سونىڭ كومەگىمەن زاعيپ جاندار وقي الاتىنداي بىرنەشە شىعارمالار باسىلىپ شىعارىلعان. جاڭا جيناق كاسىبي دەڭگەيدە جاسالعان، باسپاحانادا تۇپتەلگەن، دەپ جازادى 24.kz.
«بۇل جيناقتىڭ ىشىندە ءبىزدىڭ اقىندارىمىزدىڭ ولەڭدەرى ءۇش فورماتتا شىعىپ وتىر. برايليا الىپپەسىمەن جانە ديسكىدە شىعىپ وتىر. ءبىزدىڭ اقىندارىمىز وزدەرى بۇنى اۋىزشا ايتىپ بەرىپ وتىرادى»، - دەيدى ءماريا دارمەنوۆا، وبلىستىق زاعيپ جاندارعا ارنالعان كىتاپحانا ديرەكتورى.
