مايك تايسون وتەللو ءرولىن سومداعىسى كەلەدى

استانا. قازاقپارات - بەلگىلى امەريكالىق بوكسشى مايك تايسون ۋيليام شەكسپيردىڭ پەساسىنداعى وتەللو ءرولىن ويناعىسى كەلەتىنىن مالىمدەدى.

بۇل تۋرالى Mirror حابارلادى.

تايسون ازىرگە تەاتر ساحناسىنا شىعۋعا ءازىر ەمەستىگىن، الدىمەن تەلەۆيدەنيەدە جۇمىس ىستەۋدى جوسپارلاپ جۇرگەنىن ايتتى.

«شەكسپير كەيىپكەرلەرىن سومداعىم كەلەدى. كىمدى ەكەنىن ناقتى بىلمەيمىن، الايدا وتەللو ءرولىن ويناسام دەيمىن»، - دەپ گازەتتە بوكسشىنىڭ ءسوزى كەلتىرىلگەن.

«شەكسپيردىڭ پەساسىندا ويناسام، كەرەمەت ەمەس پە؟ مەن سياقتى قارا جىگىت... مەنى وتەللو رەتىندە ەلەستەتە الاسىڭدار ما؟» - دەدى ول جۋرناليستەرگە لاس-ۆەگاستا Soul Train Awards مۋزىكالىق سىيلىعىن تابىستاۋ كەزىندە.

تايسون 55 فيلمگە تۇسكەن، ونىڭ ىشىندە ءوزىن سومداعان كينو دا بار. «مالچينشنيك ۆ ۆەگاسە» فيلمىنىڭ ءبىرىنشى، ەكىنشى بولىمدەرىنە تۇسكەن. الداعى ۋاقىتتا ەكى كارتيناسى پروكاتقا شىقپاق.