قىتايدا وپاسىزدىق پەن كىسى ءولتىرۋ كورىنىستەرى بار تەلەحيكايالاردىڭ كورسەتىلۋىنە تىيىم سالىندى
قىتايلىقتار عالامتوردان كوبىنە شەتەلدىك تەلەشوۋلاردى، نەگىزىنەن ا ق ش پەن وڭتۇستىك كورەيانىڭ تەلەونىمدەرىن تاماشالايدى. الايدا ەندى قىتاي ب ا ق-تارىن رەتتەۋشىنىڭ نۇسقاۋىمەن سايتتار ەرلى-زايىپتىلار اراسىنداعى ءبىر-بىرىنە دەگەن سەنىمدى بۇزاتىن نەمەسە تىم اشىق كورىنىستەردى پاش ەتەتىن كادرلاردى جويۋلارى كەرەك.
سونىمەن بىرگە كىسى ءولتىرۋ، وزىنە-ءوزى قول جۇمساۋ، ادام ۇرلاۋ، ەسىرتكىنى تۇتىنۋ، قۇمار ويىندارى مەن «تىلسىم قۇبىلىستار» بەينەلەنەتىن كورىنىستەرى بار بەينەماتەريالداردى دا تاراتۋعا تىيىم سالىندى، دەلىنگەن ەلدىڭ باسپا ءىسى، راديو، كينو جانە تەلەۆيزيا مەملەكەتتىك رەتتەۋشىسىنىڭ مالىمدەمەسىندە.
قىتايدىڭ الەۋمەتتىك جەلىلەرىندە كورەرمەندەر تىيىم سالىنعان كورىنىستەردىڭ تىم كوپ ەكەنىن جانە كورەتىن ەشتەڭە قالماعانىن ايتىپ شاعىمدانىپ جاتىر. ولاردىڭ كوبى ەندى قىتايدا كەڭىنەن تانىمال وزدەرىنىڭ سۇيىكتى كارىس تەلەحيكايالارىن كورە المايتىنىنان قاۋىپتەنۋدە.
جاڭا ەرەجەلەر پورنوگرافيا مەن «تۇرپايىلىققا» قارسى ەل ۇكىمەتىنىڭ قولعا العان شاراسى اياسىندا جاريالاندى. شارا «عالامتوردى تازارۋ-2014» دەپ اتالادى.
