ۇلتتىق قاۋىپسىزدىك كوميتەتى «يسلام مەملەكەتىندەگى» قازاقستاندىقتاردىڭ سانىن جاريا ەتتى
ولار 300 ادامنان اسادى. اتالعان اقپارات ق ر ۇ ق ك- ءنىڭ رەسمي سايتىندا جاريالانعان.
ت م د ەلدەرى يراك پەن سيريانىڭ بىرنەشە اۋداندارى اۋماعىندا تۋىنداعان بۇل قۇرىلىممەن شەكتەسپەسە دە «ي م» ت م د ءۇشىن دە، جالپى الەمدىك قاۋىمداستىق ءۇشىن دە ۇلكەن قاۋىپ ءتوندىرىپ وتىر. وتىرىستا مۇندا ۇلكەن قور بازاسى، ەلەۋلى كۇش قۇرىلىمدارى جانە قارجىلىق الەۋەت بار ەكەندىگى اتاپ ءوتىلدى. ءبىراق، ەرەكشە تولعاندىرىپ وتىرعانى - بۇل سودىرلار قاتارىنىڭ ت م د ەلدەرىنەن شىققانداردىڭ ەسەبىنەن كوبەيىپ جاتقاندىعى.
رەسەي فەدەراتسياسىنىڭ فەدەرالدى قاۋىپسىزدىك قىزمەتىنىڭ ديرەكتورى الەكساندر بورتنيكوۆ مىسال كەلتىردى - سوڭعى ءۇش ايدىڭ ىشىندە «يسلام مەملەكەتىنە» بارعان ر ف ازاماتتارىنىڭ سانى 1100 دەن 1500 ادامعا دەيىن وسكەن.
ق ر ۇلتتىق قاۋىپسىزدىك كوميتەتىنىڭ ءتوراعاسى نۇرتاي ابىقايەۆ «ي م» - دەگى قازاقستاندىقتاردىڭ سانىن جاريا ەتتى - ولار 300 دەن اسادى، بۇلاردان «قازاق جاماعاتى» قۇرىلعان. وسى ءۇش ءجۇز ادامنىڭ جارتىسى - ايەلدەر، دەپ ناقتىلادى ۇ ق ك ءتوراعاسى.
ارنايى قىزمەتتەر ءبىزدىڭ ەلدەرگە جاستاردىڭ بويىنا راديكالدى كوزقاراستى ءسىڭىرىپ، ەكسترەميستىك جولعا تارتۋشىلاردىڭ كەلۋىنە الاڭداۋشىلىق ءبىلدىرىپ وتىر. ولار جاستاردى اسكەري ارەكەتتەرگە قاتىسۋ ءۇشىن «ي م» - عا جىبەرۋدە. سونىمەن بىرگە، كەيبىر جاستاردىڭ ينتەرنەتتە جاريالانعان ماتەريالداردىڭ اسەرىنەن راديكالدى توپتارعا قوسىلۋ فاكتىلەرى دە الاڭداتادى.
ۇيىمداعىلاردىڭ قاتارى تەك ت م د ەلدەرى ازاماتتارىنىڭ ەسەبىنەن عانا تولىعىپ وتىرعان جوق. جەدەل، بارلاۋ جانە جالپىعا قولجەتىمدى دەرەك كوزدەرىنىڭ اقپاراتى بويىنشا، سوعىس ءىس- قيمىلدارىنا 80 نەن استام ەلدەن ازاماتتاردىڭ قاتىساتىندىعى بەلگىلى بولدى. بۇل قاقتىعىستىڭ ينتەرناتسيونالداندىرىلعانىن بايقاتادى. ەگەر ۇيىم سودىرلارى ءوز ەلدەرىنە قايتا ورالعان جاعدايدا الەمدە لاڭكەستىك قاۋپى ۇلعايا تۇسەدى.
بۇعان قارسى ارنايى قىزمەتتەر مەن ت م د ەلدەرىنىڭ قاۋىپسىزدىك ورگاندارى قالاي ارەكەت ەتۋدە؟ ءبىزدىڭ ازاماتتارىمىزدىڭ سيريا مەن يراكتىڭ اۋداندارىن جاۋلاپ العان «ي م» - عا شىعۋىنا جول بەرمەۋ بويىنشا جۇمىستار جۇرگىزىلۋدە. رەسەيدە ول ءۇشىن زاڭناماعا سايكەس تۇزەتۋلەر مەن وزگەرتۋلەر ەنگىزىلدى. سوعان ۇقساس شارالار قازاقستان مەن دوستاستىقتىڭ باسقا ەلدەرىندە دە قاۋىپسىزدىك ورگاندارىنىڭ ازاماتتاردىڭ وسى ەرەكشە توبىمەن جۇمىسىن جەڭىلدەتۋ ءۇشىن قابىلداندى.
«ي م» - نىڭ سوعىس ءىس- قيمىلدارىنا قاتىسۋ ءۇشىن اتتانعانداردى ايقىنداۋ ماقساتىندا جەدەل ىزدەستىرۋ قىزمەتى جولعا قويىلدى جانە ارنايى قىزمەتتەر اراسىندا وسى تۇلعالار بويىنشا اقپارات الماسۋ جۇزەگە اسىرىلادى. ولاردى ەلدەرىنە قايتقانشا مۇقيات باقىلاۋعا الۋعا تىرىسادى. بۇل - وتە ماڭىزدى. ا. بورتنيكوۆتىڭ سوزىنە قاراعاندا، قاقتىعىسقا قاتىسقاننان كەيىن قايتىپ ورالعاندار ت م د ەلدەرى ءۇشىن دە، سونىمەن بىرگە جەكەلەي العاندا، رەسەي قاۋىپسىزدىگىنە قاۋىپ توندىرگەن. ر ف ف ق ق ءوز اۋماعىندا «ي م» - نىڭ بۇرىنعى جەكە سودىرلارىنىڭ جانە تۇتاستاي توپتاردىڭ كوزىن جويۋ بويىنشا ناقتى شارالاردى جۇزەگە اسىرعان.
كوتەرىلگەن ماسەلەلەردە ت م د ەلدەرىنىڭ ارنايى قىزمەتتەرى مەن قاۋىپسىزدىك ورگاندارىنىڭ ءوزارا ارەكەتتەستىگىنىڭ ماڭىزدىلىعى ءبىر ەمەس، بىرنەشە رەت كوتەرىلدى. رسەي ف ق ق ديرەكتورى مىنانداي مىسال كەلتىردى: 2014 - جىلدىڭ باسىنان بەرى دوستاستىق كەڭىستىگىندە بىرلەسكەن شارالاردىڭ ارقاسىندا 7 حالىقارالىق لاڭكەستىك توپتىڭ ءىس- قيمىلى توقتالىپ، ولاردىڭ 59 «سەركەسى» جويىلىپ، 120 دان استام ادام ۇستالىپ، ءىسى سوتقا تاپسىرىلعان.
- بۇل ءبارىمىزدىڭ جۇمىسىمىزدىڭ ناتيجەسى، - دەپ اتاپ ءوتتى الەكساندر بورتنيكوۆ.
كەلتىرىلگەن ساندار ارنايى قىزمەتتەر كورسەتكىشتەرىنىڭ ءبارى ەمەس ەكەندىگىن دە اتاپ ءوتتى ول. تەك جاھاندىق ستراتەگيالىق ماڭىزى بار جانە ءبىزدىڭ مەملەكەتتەردەگى جاعدايعا قاتتى اسەر ەتۋى مۇمكىن بولعان شارالار عانا اتالدى.
قازاقستان، تاجىكستان، قىرعىزستان جانە وزبەكستانداعى ارىپتەستەرىمەن ءوزارا ارەكەتتەستىك جۇمىستارىنىڭ ناتيجەلىلىگىن ايتقان الەكساندر بورتنيكوۆ سونىمەن بىرگە، مۇندا ورتالىق ازيا ايماعىندا زاڭسىز جەتكىزىلگەن قارۋدى، جارىلعىش زاتتاردى، وق- دارىلەردى انىقتاپ، جولىن كەسۋ، زاڭسىز ەميگرانتتاردىڭ، اسىرەسە اۋعان- پاكىستان ايماعىنان، سونىمەن بىرگە يراك پەن سيريادان كەلۋىنىڭ الدىن الۋ ءۇشىن كوپتەگەن شارالاردىڭ اتقارىلىپ جاتقاندىعىن جەتكىزدى.
ق ر ۇ ق ك ءتوراعاسى قازاقستاندا ءبىزدىڭ ازاماتتاردىڭ «ي م» ۇيىمىنىڭ ىقپالىنا ءتۇسۋىنىڭ الدان الۋ ماسەلەسىمەن تەك كۇش قۇرىلىمدارى عانا ەمەس، سونىمەن بىرگە باسقا دا مەملەكەتتىك ورگاندار، سونداي- اق ۇكىمەتتىك ەمەس ۇيىمدار اينالىسىپ جاتقانىن اتاپ ءوتتى.
دوستاستىق ەلدەرى ارنايى قىزمەتتەرىنىڭ باسشىلارى ءبىزدىڭ مەملەكەتتەردىڭ مۇددەسىن قورعاۋ ءۇشىن بار كۇش- جىگەرىن جۇمسايتىندىعىن مالىمدەدى. سونىمەن بىرگە، ەۋروپا مەن باسقا دا ەلدەرگە حالىقارالىق لاڭكەستىك پەن ەكسترەميزمگە قارسى ارەكەت ەتۋ ىسىندە جەدەل جانە اقپاراتتىق قولداۋ كورسەتۋگە دايىن ەكەندىكتەرىن دە ايتتى.
