قازاقستاندىق «ۇكىلى كامشات» فيلمى حالىقارالىق كينوفەستيۆالدىڭ ارنايى جۇلدەسىن يەلەندى
«زولوتو لىستاپادا» كينوفيلمدەردىڭ نەگىزگى كونكۋرسىنىڭ گران-پريىنە ۋكرايندىق «تايپا» («پلەميا») فيلمى يە بولدى. مينسك حالىقارالىق كينوفەستيۆالىنىڭ ماراپاتتارى «ماسكەۋ» كينوتەاترىندا «زولوتو لىستاپادا» بايقاۋىنىڭ جابىلۋ سالتاناتىندا تابىستالدى.
اۋقىمدى شارانىڭ نەگىزگى كونكۋرسىندا باسقا ماراپاتتار دا ءوز يەلەرىن تاپتى. «ۇزدىك رەجيسسۋراسى ءۇشىن» سىيلىعى رەجيسسەر يۋري بىكوۆتىڭ «ەسۋاس» («دۋراك»، رەسەي) فيلمىنە بۇيىردى. يۋ. ا. ماريحۋان اتىنداعى ۇزدىك وپەراتورلىق جۇمىس ءۇشىن ماراپاتقا گرۋزيا، گەرمانيا، فرانسيا، چەحيا، قازاقستان جانە ۆەنگريا ەلدەرى بىرلەسىپ تۇسىرگەن رەجيسسەر گەورگيا وۆاشۆيليدىڭ «جۇگەرى ارالى» («كۋكۋرۋزنىي وستروۆ» ) فيلمى يە بولدى.
«ادامدارعا دەگەن سۇيىسپەنشىلىك پەن تاماشا ازىلدەسۋ سەزىمى ءۇشىن» ماراپاتى «تۇيىق كەزدەسۋلەر» («سلەپىە سۆيدانيا») گرۋزيندىك-ۋكرايندىق لەنتاسىنا بەرىلدى.
كينوفەستيۆالدىڭ حالىقارالىق قازىلار القاسى «ەكىنشى رەتتەگى ۇزدىك ايەل ءرولى ءۇشىن» سىيلىعىنا رەسەي، ەستونيا، بەلارۋس، فينليانديا ەلدەرى قازاقستانمەن بىرگە تۇسىرگەن رەجيسسەر يلمار رااگتىڭ «مەن قايتىپ ورالمايمىن» («يا نە ۆەرنۋس» ) تۋىندىسىنداعى ۆيكتوريا لوباچيەۆانى لايىق دەپ تانىدى. سونداي-اق قازىلار القاسىنىڭ «الەۋمەتتىك كينوداعى ەستەتيكالىق ماكسيماليزمى ءۇشىن» ارنايى ديپلومىنا قازاقستاندىق رەجيسسەر ءادىلحان نۇرجانوۆتىڭ «ۇكىلى كامشات» («حوزيايەۆا») كارتيناسى يە بولدى.
ايتا كەتەيىك، 21- مينسك حالىقارالىق «لىستاپاد» كينوفەستيۆالى 7-14 - قاراشا ارالىعىندا ءوتتى.
