ۆلاديمير كليچكو ءوزىن قىزعا تەڭەگەن بولگار بوكسشىسىن نوكاۋتقا ءتۇسىردى

استانا. قازاقپارات - IBF، WBO جانە WBA Super تۇجىرىمدارى بويىنشا ەڭ اۋىر سالماقتاعى الەم چەمپيونى، ۋكراين ۆلاديمير كليچكو ءوز اتاقتارىن ابىرويمەن قورعاپ، بولگار بوكسشىسى كۋبرات پۋليەۆتى نوكاۋتپەن جەڭدى، دەپ حابارلايدى AllBoxing.ru.

38 جاستاعى ۆلاديمير كليچكو 33 جاستاعى كۋبرات پۋليەۆتى بەسىنشى راۋندتا نوكاۋتقا ءتۇسىردى. ءبىرىنشى راۋندا بولگار بوكسشىسى كليچكونىڭ سول قولىمەن ۇرعان پارمەندى حۋكتارىنا توتەپ بەرە الماي، ەكى رەت نوكداۋن الدى.

سودان سوڭ ءۇشىنشى راۋندتا ەدەنگە سۇلاپ تا ءتۇستى. بەسىنشى راۋندتا پۋليەۆ شابۋىلداپ، بىرنەشە سوققىسى دىتتەگەن جەرىنە ءدال تيگىزگەن دە ەدى. الايدا ىلە- شالا كليچكو ونى سول قولىمەن شيىرە ۇرىپ (حۋك)، جويقىن سوققىسىمەن سۇلاتىپ سالدى.

ايتا كەتەيىك، وسى كەزدەسۋ الدىنداعى باسپا ءسوز جيىنىندا پۋليەۆتى ءوز كومانداسىمەن بىرگە وتكىزبەگەن ەدى. سول ءۇشىن ول كليچكونىڭ اتىنا ءبىراز اۋىر سوزدە ايتقان بولاتىن. "وندا چەمپيون بولۋ ءۇشىن نە قاجەتتى، سونىڭ ءبارى بار، ءبىراق وندا باتىلدىق جوق. ول قىز سياقتى"، - دەگەن-دى.

tengrinews.kz