09:51, 16 - قاراشا 2014 | GMT +5
ادامداردى شىنايى قارىم-قاتىناس جاساۋعا يتەرمەلەيتىن ستاقان جاسالدى
استانا. قازاقپارات - برازيليادا جارنامالىق كومپانيا «وفلاين-ستاقان» جاساپ شىعاردى، دەپ حابارلادى MigNews.
ونىڭ ەرەكشەلىگى مىنادا: بۇل ىدىستىڭ ءتۇبى قيسىق بولعاندىقتان، ول ۇستەلدىڭ ۇستىندە ۇيالى تەلەفوننىڭ كومەگىنسىز تىگىنەن قويىلا المايدى.
ىدىسقا وسىنداي ەرەكشە ديزاين بەرۋ ارقىلى ونى جاساپ شىعارۋشىلار ادامدارعا ءدامحانالار مەن بارلاردا وتىرعان كەزدە ولار ۋاقىتتارىن سمارتفوندارىنداعى حابارلامالاردى تەكسەرۋگە ەمەس، ءبىر-بىرىمەن «جاندى» قارىم-قاتىناس جاساۋعا ارناۋعا كومەكتەسكىسى كەلگەن.
«وفلاين- ستاقاندى» برازيليانىڭ جارناما اگەنتتىگىنىڭ قىزمەتكەرلەرى ويلاپ شىعاردى. ولار بۇل يدەيالارى ادامدارعا گادجەتتە ەمەس، شىنايى ءومىر سۇرۋگە كومەكتەسەدى دەپ سەنىپ، زور ءۇمىت ارتىپ وتىر.
