02:37, 16 - قاراشا 2014 | GMT +5
لاڭكەستىك ۇيىم «يسلام مەملەكەتى» مەن «ءال- كايدا» وداق قۇردى
استانا. قازاقپارات- «يسلام مەملەكەتى» لاڭكەستىك ۇيىمىنىڭ باسشىسى ءابۋ باكرا ءال- باعدادي ءتىرى بولىپ شىقتى. الەمدىك اقپارات قۇرالدارى وسىدان تۋرا ءبىر اپتا بۇرىن ول اۋەدەن جاسالعان شابۋىلداردان قازا تاپتى دەپ حابارلاعان بولاتىن.
سودىرلار جەتەكشىسىنىڭ امان- ساۋ ەكەندىگىنە ونىڭ عالامتور ارقىلى جاريا ەتىلگەن 17 مينۋتتىق جازباسى دالەل.
بي-بي-سي ساراپشىلارىنىڭ ايتۋىنشا، ءابۋ باكرا ءال- باعدادي ونى شابۋىلدان كەيىن جاساعان. ويتكەنى وندا اسكەري وپەراسيالارعا بايلانىستى سوڭعى مالىمەتتەر بار. ال امەريكالىق بۇقارالىق اقپارات قۇرالدارىڭ مالىمدەۋىنشە، بۇكىل الەمدى دۇرلىكتىرگەن اسىرە دىنشىلدەر تاعى ءبىر اتىشۋلى لاڭكەستىك ۇيىم «ءال- كايدامەن» وداق قۇرعانعا ۇقسايدى. ءسويتىپ، ولار سيرياداعى اسكەري كۇشتەرمەن بىرگە كۇرەسپەك.
www.24.kz
