11:16, 15 - قاراشا 2014 | GMT +5
جىلاندار دا ءوز وزىنە قول جۇمسايدى
استانا. قازاقپارات - تابيعاتتا سيرەك بولسا دا اڭداردىڭ ءوز وزىنە قول جۇمسايتىنىن عالىمدار ءجيى ايتادى. سونداي جايتتاردىڭ ءبىرى اۆستراليادا ورىن الدى.
كەرنس قالاسىندا ۇزىندىعى ءبىر جارىم مەتر بولاتىن ۋلى جىلاندى جەرگىلىكتى تۇرعىندار تاۋىپ العان. ونى تەكسەرگەن زوولوگ ماماندار جىلاننىڭ ءوز ۋىنان ولگەنىن انىقتادى.
ماماندار الدىمەن جىلان دەنەسىنەن جاراقات الىپ، اۋىرعان جەرىن تىستەمەك بولعان دەگەن جورامال جاسادى. الايدا، مەديتسينالىق تەكسەرىستەن كەيىن ونىڭ دەنەسىنەن بىردە- ءبىر زاقىم تاپپاعان. ازىرگە عالىمدار جىلاننىڭ نە سەبەپتى سۋيتسيدكە بارعاندىعىن انىقتاي الماي وتىر.
baq.kz
