اۆستريالىق ازامات اكۋلاعا مىنبەكشى بولدى - كەسكىن

استانا. قازاقپارات - بەلگىسىز اۆستريالىق ازامات تاعدىرىن سىناماق بولىپ، تاۋەكەلگە بەل بايلادى. تەڭىزدەگى كاتەردە بولعان ازامات تاپ جاندارىنان اكۋلانى كورىپ قالادى. كەمەدەن سۋعا سەكىرگەن ول وعان مىنبەكشى بولدى، ال ونىمەن كەمەدە بولعان دوستارى وقيعانى ۆيدەوعا ءتۇسىردى.

«اكۋلانى ءمىنىپ ءجۇزۋ - اۆستراليالىقتاردىڭ ەرلىگىن تەكسەرەتىن سىناق بولعانداي»، - دەپ اتاپ وتەدى Metro گازەتىنىڭ جۋرناليستەرى.

باسىلىمنىڭ اقپاراتىنشا، بۇعان دەيىن وسى ايدا ءبىر اۆستراليالىق ازامات جان-جاعىندا اكۋلالار ءجۇزىپ جۇرگەنىنە قاراماستان، ءولى كيتتىڭ ۇستىنە شىقپاق بولعان. تاعى ءبىر وتانداسى بۇل تەڭىز جىرتقىشتارىمەن «تىلدەسكىسى» كەلدى. «بۇل اقىلسىز ارەكەت. ءبىراق كوزسىز باتىردى ۆيدەوعا تۇسىرگەن دوسىنىڭ ايتۋىنشا: «مىقتاعاندا اكۋلا قولىڭدى عانا تىستەپ، جۇلىپ الادى».

قالاي بولعاندا دا، ەر ادام جىرتقىشتىڭ ۇستىنە وتىرا المادى. ول سۋعا سەكىرگەن كەزدە، اكۋلا جىلدام ءجۇزىپ كەتتى.

الايدا بۇل «كوزسىز باتىر» ءۇشىن قۋاناتىن جاعداي ەمەس. ول جىرتقىش بالىقتىڭ وعان زارداپ شەكتىرمەگەنىنە ريزا بولۋى ءتيىس. جاقىندا فيليپپين جاعالاۋىندا تەڭىز جىرتقىشىن اۋلاعان بالىقشىلار ونىڭ ىشىنەن ادامنىڭ باسى مەن اياعىن تاپقان.