ارمەنيا پرەزيدەنتى تىكۇشاقپەن تاۋلى قاراباققا ۇشىپ كەلدى

استانا. قازاقپارات - ارمەنيا پرەزيدەنتى سەرج سارگسيان تاۋەلسىزدىگى ءالى مويىندالماعان تاۋلى قاراباق رەسپۋبليكاسىنا (ت ق ر) تىكۇشاقپەن ۇشىپ كەلدى، - دەپ حابارلايدى ر ي ا نوۆوستي ارمەنيا مەملەكەتى باسشىسىنىڭ باسپا ءسوز قىزمەتىنە سىلتەمە جاساپ.

باسپا ءسوز قىزمەتىنىڭ مالىمەتىنە قاراعاندا، ارمەنيا پرەزيدەتىنىڭ بۇل ساپارداعى ماقساتى - ت ق ر باسشىسى باكو سااكيانمەن، ارمەنيا جانە ت ق ر قورعانىس مينيسترلەرى سەيران ونانيان مەن موۆسەس اكوپيانمەن بىرگە «بىرلىك 2014» جەدەل-تاكتيكالىق وقۋ-جاتتىعۋلارىنا قاتىسۋ. ايتا كەتەيىك، ونى ۇيىمداستىرىپ وتىرعان - ارمەنيا مەن ت ق ر. باسشىلار ەكى ەلدىڭ قورعانىس سالاسىنىڭ اسكەري دايىندىعىمەن تانىسپاق.

ارمەنيا باسشىسىنىڭ بۇل ساپارى تاۋلى قاراباقتاعى وقيعاعا بايلانىستى. 12- قاراشادا ءازىربايجان قورعانىس ءمينيسترى ارمەنياعا تيەسىلى م ي-12 تىكۇشاعىن اتىپ تۇسىرگەندەرىن مالىمدەگەن ەدى. ولاردىڭ ويىنشا تىكۇشاق «ءازىربايجان جەرىن اتقىلاماق بولعان- مىس». ال ت ق ر «ت ق ر تىكۇشاعى قۇلادى. ول ۇشۋ-جاتتىعۋ جاساپ جۇرگەن. سالدارىنان ءۇش ادام قازا بولدى»، - دەپ حابارلادى.

ارمەنيا س ءى م بولسا، «وققا ۇشقان تىكۇشاق ءۇشىن ءازىربايجان جاۋاپتى» دەيدى. ءوز كەزەگىندە، ءازىربايجان س ءى م تاۋلى قاراباق اۋە كەڭىستىگىنىڭ جابىلاتىندىعىن مالىمدەدى.