قوياندى اۋىلى اكىمىنىڭ قانداستارىمىزعا بەرگەن ۋادەسى

استانا. قازاقپارات - استانا ىرگەسىندەگى قوياندى اۋىلىنداعى زاڭسىز تۇرعىزىلعان باسپانالار تەك جازعا دەيىن قيراتىلمايتىن بولدى. كەشە اۋىل تۇرعىندارىمەن كەزدەسكەن سەلينوگراد اۋدانىنىڭ اكىمى ۇلتاراقتاي جەر ءۇشىن شىرىلداپ جۇرگەن قانداستارىمىزعا وسىلاي دەدى.

قوياندىداعى ۇيلەرىمىز كۇرەلە مە دەپ دۇربەلەڭگە تۇسكەن حالىققا كەشە اۋدان باسشىسى مالعاجدار تاتكەيەۆتىڭ ءوزى باسۋ ايتىپ، باسپانالاردى قيراتۋدى توقتاتىپ وتىرمىز دەدى. ياعني، شەتەلدەن كوشىپ كەلگەن اعايىن بيىلعى قىستا دىردەكتەپ بالا-شاعاسىمەن دالادا قالمايتىن بولدى. ال 167 باسپانا سالىنعان جەرلەردى زاڭداستىرۋ ءۇشىن اكىمدىك قولدان كەلگەن كومەكتى ايامايمىز دەپ وتىر. ياعني جەر يەسى «سارى ارقا تابىس» كومپانياسىمەن كەلىسسوزدەر جۇرگىزىپ، تۇرعىندار ارزان باعاعا ساتىپ الۋى مۇمكىن. ال قالتاسىندا قارجىسى جوقتارعا اقمولا وبلىسىنىڭ باسقا ايماقتارىنان تەلىمدەر ۇسىنىپ كورەمىز دەيدى شەندىلەر. ياعني، وسى ۋاقىتقا دەيىن ۇيلەرىڭ كۇرەلەدى دەپ حالىقتى شۋلاتقان بيلىكتىڭ بەتى بەرى قاراپ، قوياندىداعى بىردە ءبىر زاڭسىز باسپاناعا تيىسپەيمىز دەپ وتىر. ال ىرگەتاستار سوت شەشىمىمەن تراكتورمەن بۇزىلاتىن بولادى.

مالعاجدار تاتكەەۆ، اقمولا وبلىسى، سەلينوگراد اۋدانىنىڭ اكىمى:

جەكەمەنشىكتەن ءاربىر ادام زاڭداستىرۋعا بولادى. باسقا جول جوق. كىم الا المايدى، اقشاسى جەتپەيدى اقمولا وبلىسىندا قاي جەردە وشىرەت جوق سول جەردەن الۋىنا بولادى. قاي ۋاقىتقا دەيىن بەرەسىزدەر مۇمكىندىكتى؟ جازعىتۇرىم قايتا كەلەمىز وسى سۇراققا. تاعى كىسىلەرمەن جينالىپ سويلەسەمىز، ۇگىتتەۋ جۇمىستارىن جۇرگىزەمىز.

31-ارنا