08:42, 15 - قاراشا 2014 | GMT +5
عالىمدار: بالىق مايى تەمەكىنى تاستاۋعا كومەكتەسەدى
استانا. قازاقپارات - قۇرامىندا ومەگا-3 قوسپاسى بار تاعامدار تەمەكى شەگۋشىلەردى زياندى ادەتتەن ارىلۋعا كومەكتەسەدى. مايلى قىشقىلداردى تۇتىنۋ نيكوتينگە دەگەن اۋەستىكتى تومەندەتەدى، دەيدى عالىمدار.
ءبىر اي بويى ومەگا-3 كاپسۋلاسىن قابىلداعان شىلىمقورلار تەمەكى شەگۋدى 11 پايىزعا ازايتقان.
زەرتتەۋگە جەتەكشىلىك ەتكەن يزرايلدەگى حايفا ۋنيۆەرسيتەتىنىڭ عالىمى، دوكتور شارون شەنكار قازىرگى ۋاقىتتاعى پايدالانىلىپ جۇرگەن تەمەكى شەگۋدەن باس تارتۋعا جاردەمدەسەتىن زاتتار مەن پرەپاراتتار اسا ءتيىمدى ەمەستىگىن، ولار كەيىن قولايسىز سالدارعا سوقتىرۋى مۇمكىن ەكەنىن اتاپ ءوتتى.
«ءبىزدىڭ زەرتتەۋ ناتيجەمىز ومەگا-3 ارزان ءارى قاۋىپسىز تاعامدىق قوسپا ەكەنىن انىقتادى. سونىمەن بىرگە نيكوتينگە دەگەن اۋەستىكتى ەلەۋلى تومەندەتەدى»، - دەپ مالىمدەدى عالىم.
