پاريج ماڭىندا پايدا بولعان جولبارىس تۇرعىنداردى قاتتى دۇرلىكتىردى

استانا. قازاقپارات - مونتيەۆرەن قالاشىعىندا Intermarche سۋپەرماركەتى ماڭىنداعى كولىك تۇراعىنان ءبىر جولبارىستى بايقاپ قالعان جەرگىلىكتى تۇرعىننىڭ ايتۋى بويىنشا، پوليتسيا مەن قۇتقارۋشىلار شۇعىل كوتەرىلدى.

ولار پاريجدىڭ شەت جاقتارىنان تاعى اڭدى ىزدەپ جاتىر. بۇل شاراعا تىكۇشاق تا تارتىلدى.

ءورت سوندىرۋشىلەر مەن پوليتسەيلەر ۆينتوۆكامەن قارۋلانعان.» ءبىز تاڭەرتەڭنەن باستاپ ونىڭ سوڭىندامىز»، دەدى AFP اگەنتتىگىنە پوليتسيا وكىلى. «ىزىنە قاراپ جاس جولبارىس ەكەندىگىن انىقتادىق».

جىرتقىش Disneyland ويىن-ساۋىق ساياباعىنا تاياۋ ماڭدا دا بايقالعان. EuroDisney كومانياسىنىڭ وكىلى وزدەرىندە جولبارىستىڭ جوق ەكەندىگىن ايتتى.

جەرگىلىكتى بيلىك تۇرعىنداردى تاعى اڭ بايقالعان اۋداننان قاشىقتا بولۋعا شاقىردى.