12:59, 13 - قاراشا 2014 | GMT +5
بيزنەسمەن تۋعان كۇنىندە وتشاشۋ جاسايمىن دەپ كوز جۇمدى
استانا. قازاقپارات - ر ف كامچاتكادا بيزنەسمەن ءوزىنىڭ مەرەيتويىنا وراي ۇيىمداستىرىلعان وتشاشۋدى ىسكە قوسار كەزىندە كوز جۇمدى.
قايعىلى وقيعا ەليزوۆسك اۋدانىنداعى «لەسنايا» دەمالىس ورنىندا 12 - قاراشادا ورىن الدى، دەپ حابارلايدى رەسەي تەرگەۋ كوميتەتىنىڭ ايماقتىق باسقارماسى.
«ەر ادام تۋعان كۇنىن تويلاپ جاتقان. سوعان وراي ۇيىمداستىرىلعان وتشاشۋدى تىم جاقىن تۇرىپ تۇتاتقان كەزىندە باسىنان جاراقات الىپ، قايتىس بولدى»، - دەپ كورسەتىلگەن ۆەدومستۆو تاراتقان حابارلامادا. پەتروپاۆلوۆسك- كامچاسك اۋماعىنىڭ 35 جاستاعى تۇرعىنى وقيعا ورنىندا دۇنيە سالدى.
REGNUM مالىمەتتەرىنە سايكەس، قازا بولعان جىگىت كوممەرتسيالىق كاسىپورىننىڭ باس ديرەكتورى بولعان.
قازىر قۇقىق قورعاۋ ورگاندارىنىڭ قىزمەتكەرلەرى بولعان وقيعانىڭ ءمان-جايىن انىقتاپ جاتىر. وعان قاتىستى تەرگەۋگە دەيىنگى تەكسەرۋ تاعايىندالدى. تەك سونىڭ قورىتىندىسى بويىنشا ءتيىستى پروتسەسسۋالدىق شەشىم قابىلدانادى.
BNews.kz
