قازاقستاندىق جەتىم بالالار شەتەلدە ءبىلىم الۋدا
ستاتيستيكا مالىمەتىنە جۇگىنسەك، ەلىمىزدە 33 مىڭ 680 جەتىم بالالار بار.
ولاردىڭ 21856 سىن ەلىمىزدىڭ ازاماتتارى ءوز قامقورلىعىنا العان. ال 1947 سى پاتروناتتىق ءتالىم-تاربيە الۋدا. قالعان 9879 جەتكىنشەك مەملەكەت قاراماعىندا. سونمەن قاتار، الماتىنىڭ وزىندە 1700 گە جۋىق جەتىم بالا تىركەۋدە تۇر.
ولاردىڭ 58 ى «SOS» بالالار اۋىلىندا تاربيەلەنۋدە. وسى بالالاردىڭ بۇگىنگى جاعدايىن ءبىلۋ ماقساتىندا Almaty.tv ءتىلشىسى «SOS» بالالار اۋىلىندا ديرەكتورى ەرلان مۇرات ۇلىمەن تىلدەسكەن ەدى.
«قازىرگى تاڭدا ءبىزدىڭ بالالار ۇيىمىزدە 58 بالا تاربيەلەنۋدە. ونىڭ ىشىندەگى 8 بالانى وتباسىلار ءوز قامقورلىقتارىنا الدى. ءبىزدىڭ تاربەشىلەر ولارمەن ۇنەمى بايلانىسىپ وتىرادى. بۇل بالالاردىڭ الداعى ءومىرى مەن جۇمىستاعى جەتىستىكتەرى ءبىزدىڭ ءجىتى قاداعالاۋىمىزدا»، - دەدى «SOS» بالالار اۋىلىنىڭ ديرەكتورى ەرلان مۇرات ۇلى.
ديرەكتوردىڭ ايتۋىنشا، اتا-انا قامقورلىعىنا ءزارۋ بالالاردىڭ ءىس-قيمىلى، بولاشاققا دەگەن تالپىنىسى تاربيەشىلەردىڭ ءجىتى نازارىندا.
«ءبىز بالالاردىڭ يكەمىنە باسا نازار اۋدارامىز. ولار قاي سالاعا قابىلەتتى ەكەنىن ءجىتى باقىلايمىز. سول ارقىلى ءوز ورىندارىن تابۋعا كومەكتەسەمىز. ءبىزدىڭ بالالار 9 - سىنىپتى بىتىرگەنەن كەيىن جاسوسپىرىمدەر ۇيىنە اۋىسادى. ءدال وسى ۋاقىتا ولار ج و و-نا ءتۇسۋ ماقساتىندا قوسىمشا ساباقتار الا باستايدى. قازىرگى تاڭدا ءبىزدىڭ بالالار اۋلىمىزدا تاربيەلەنگەن 44 بالا بار. ونىڭ 12 سى ج و و-دا وقيدى. ولاردىڭ ەكەۋى شەتەلدە ءبىلىم الۋدا. ال 23 كوللەدجدە، قالعان 9 بالا جارتىلاي تاۋەلسىز كۇن كەشۋدە. جالپى 94 پايىز جاس ءوسپىرىم ەڭبەككە قابىلەتتى»، - دەدى ول.
قازىرگى تاڭدا 58 جەتكىنشەك «SOS» بالالار ءۇيىنىڭ قامقورلىعىنا بولەنىپ ءوسىپ كەلەدى. ولاردىڭ ءبىلىم الۋىنا جان-جاقتى جاعداي جاسالعان. بيىلدىڭ وزىندە اتالمىش مەكەمەدەن 7 بالا جاس وسپىرىمدەر ۇيىنە اۋىستىرىلعان. ال كامىلەت جاسىنا تولىپ، ۇلكەن ومىرگە قادام باسقان 4 بالا ء«وز بولاشاقتارىنىڭ كىرپىشىن وزدەرى قالاۋدا»، - دەدى ديرەكتور.
نازىم قىدىرباي قىزى
