پۋتيننىڭ قىتايدىڭ ءبىرىنشى حانىمىنا جاساعان يشاراسى ينتەرنەتتى ءدۇر سىلكىندىردى - كەسكىن

استانا. قازاقپارات - الەمدىك ب ا ق وكىلدەرى مەن ينتەرنەت قولدانۋشىلارى رەسەي پرەزيدەنتى ۆلاديمير پۋتيننىڭ بەيجىڭدەگى ازيا-تىنىق مۇحيتى ەكونوميكالىق ىنتىماقتاستىعى سامميتىندەگى ارەكەتىن بەلسەندى تۇردە تالقىلاپ جاتىر.

جۋرناليستەردىڭ نازارى پۋتيننىڭ قىتايدىڭ ءبىرىنشى حانىمى پەن ليۋاندى جىلى ورامالمەن جاپقان سابازدىعىنا اۋدى. قىتاي كوشباسشىسىنىڭ جارى كۇلىمسىرەپ، پۋتينگە العىس ايتتى، ءبىراق ءشالىنى دەرەۋ ءتۇسىرىپ، كومەكشىسىنە ۇستاتادى دا، باسقا كيىم كيەدى. مۇنداي رەاكسياسىنا قاراپ وتىرىپ، ونىڭ بۇل جاعدايدان ىڭعايسىزدانعانىن بايقاۋعا بولادى.

وقيعا ءتۇرلى وي سالادى، ال جەرگىلىكتى سەنزورلار بۇل ءساتتى تەليەۆيزيالىق ترانسلياتسيادان قيىپ تاستادى، - دەپ جازادى Daily Mail اعىلشىن گازەتى.

دەگەنمەن بۇل مۇنى جاسىرۋ مۇمكىن بولا قويمادى - وسى كادرلار YouTube جەلىسىندە پايدا بولدى.

رەسەي پرەزيدەنتىنىڭ ءىسىن باتىستىڭ جانە قىتايدىڭ ب ا ق-تارى «ادەپسىز ءارى تۇرپايى» دەپ باعالادى. Der Spiegel نەمىس باسىلىمى مۇنى «ىسكەرلىك ەتيكەتتى ساقتاماۋ» دەپ جازدى. ال Foreign Policy گازەتى پۋتيندى «رەسەيدىڭ باس دونجۋانى» دەپ سالدى. «پرەزيدەنت جارىنىڭ كوڭىلىن تابۋ - ديپلوماتيانىڭ ءبىرىنشى قۇپيا ەرەجەسى سياقتى، ءبىراق رەسەي پرەزيدەنتى جۋىردا عانا بويداق بولدى، بۇل كەڭەستەرمەن تانىسىپ شىقپاعان سياقتى»، - دەپ جازادى باسىلىم.

باتىستىڭ بىرنەشە اقپاراتتىق پورتالى «پۋتين قىتايدىڭ ءبىرىنشى حانىمىنا «قىرىندادى»، «قىلىمسىدى» دەگەن تاقىرىپپەن ماقالا جاريالادى.


tengrinews.kz