18:46, 11 - قاراشا 2014 | GMT +5
قىتايدا پۋتين مەن وباما «وڭاشا شىعىپ» سويلەستى
استانا. قازاقپارات - بەيجىڭدە ءوتىپ جاتقان ازيا- تىنىق مۇحيت ەكونوميكالىق بىرلەستىگى سامميتىندە رەسەي پرەزيدەنتى ۆلاديمير پۋتينمەن مەن ا ق ش پرەزيدەنتى باراك وباما كەزدەستى.
«ر ب ك» اقپارات اگەنتتىگىنىڭ حابارلاۋىنشا، ەل باسشىلارى ەكى رەت كەزدەسۋ وتكىزگەن. ەكى ەل پرەزيدەنتتەرىنىڭ نە تۋرالى سويلەسكەندەرى تۋرالى اقپارات بەرىلگەن جوق. بۇل اقپاردى رەسەيلىك باسپا ءسوز قىزمەتى دە راستادى.
ايتا كەتەتىن جايت، ەكى ەل باسشىلارىنىڭ كەزدەسۋى تۋرالى مالىمەت سوڭعى ۋاقىتقا دەيىن كۇمان تۋدىرعان بولاتىن. سەبەبى، رەسمي كەزدەسۋ جوسپارلانعان جوق. سوڭعى رەت وباما مەن پۋتين سولتۇستىك يرلانديادا وتكەن G8 سامميتىندە 2013 - جىلى كەزدەستى. سودان كەيىن پەتەربورداعى سامميتتە تاعى دا باسقوسۋ بولعان. ال، قىرىم رەسەيگە قوسىلعان ساتتە پرەزيدەنتتەر نورمانديادا كەزدەستى.
«استانا» ارناسى
