10:29, 11 - قاراشا 2014 | GMT +5
تۇرىك عالىمدارى قاتەرلى ىسىكتى ەمدەۋ سالاسىندا جاڭالىق اشتى
استانا. قازاقپارات - گازيانتەپ ۋنيۆەرسيتەتىنىڭ عالىمدارى قاتەرلى ىسىككە شالدىققان ناۋقاستارعا ارنالعان حيميا تەراپيا ءادىسىن جەتىلدىردى. بۇل تۋرالى Bnews.kz حابارلايدى.
بۇگىنگى كۇنگە دەيىن 500 ناۋقاسقا جاڭا ءادىس بويىنشا ەم جاسالىپتى. ا ق ش-تىڭ ماسساچۋسەتس ۋنيۆەرسيتەتىمەن بىرگە جۇرگىزىلگەن زەرتتەۋدىڭ ناتيجەسىندە حيميا تەراپيا ەمىنىڭ زيانى بارىنشا تومەندەتىلدى.
جاڭا ءادىستىڭ ارقاسىندا حيميا تەراپيا كەزىندە ساۋ جاسۋشالاردى امان الىپ قالۋدىڭ مۇمكىندىگى تۋىپ وتىر. تۇرىك عالىمدارى وسىلايشا قاتەرلى ىسىك دارىلەرىنىڭ ورىنسىز قولدانىلۋىنىڭ دا الدىن الماق.
