10:14, 11 - قاراشا 2014 | GMT +5
ەرەۋىلشىلەر حالىقارالىق اۋەجايدى قورشاۋعا الدى
استانا. قازاقپارات - مەكسيكادا جوعالعان 43 ستۋدەنتتىڭ قازاسىنا قاتىستى ەرەۋىل ۋشىعىپ بارادى. اشۋعا بوي بەرگەن جۇرت گەررەرو شتاتىنداعى اكاپۋلكو قالاسىندا حالىقارالىق اۋەجايدى قورشاۋعا الدى.
نارازى حالىق ەل پرەزيدەنتىنىڭ ءوز قىزمەتىنەن كەتۋىن تالاپ ەتىپ وتىر. الايدا اۋەجايداعى شەرۋ ازىرگە تىنىش وتۋدە. بەلسەندىلەردىڭ ايتۋىنشا، بۇنداعى شارا 3 ساعاتقا عانا جالعاسادى. بۇدان ۇشاقتاردىڭ باعىتىنا كەدەرگى بولمايدى. ەستەرىڭىزگە سالايىق، بۇعان دەيىن ەرەۋىلشىلەر پرەزيدەنت سارايىنا ءورت قويعان ەدى. كۇزەتشىلەر ولاردى تاراتۋ ءۇشىن كوزدەن جاس اعىزاتىن گاز بەن سۋ اتقىش قولدانۋعا ءماجبۇر بولدى.
www.24.kz
