استانالىق سۇلۋ «جەر جاھاننىڭ ارۋى» اتانۋعا دايىندالىپ جاتىر

استانا. قازاقپارات - استانالىق مودەل اسەل جولداسوۆا قاراشا ايىندا فيليپپيندە وتەتىن «جەر ارۋى» كونكۋرسىنە قاتىسادى.

كونكۋرس جەڭىمپازى گۋمانيتارلىق ميسسيامەن جىل بويى جەر شارىن ارالايدى، دەپ جازادى «ەكسپرەسس-ك».

«21 جاستاعى اسەل جولداسوۆا - كاسىبي مودەل. ونىڭ پروپوتسياسى 85-60-87, بويى 175 س م»، دەپ جازادى باسىلىم.

«جەر ارۋى» كونكۋرسىن حالىقارالىق ەكولوگيالىق ۇيىم ۇيىمداستىرىپ وتىر. سوندىقتان، ونىڭ جەڭىمپازى بۇكىل الەمگە «جاسىل ەكونوميكانى» ناسيحاتتايدى.

ايتا كەتەرلىگى، «جەر ارۋى» جوباسىنىڭ تۇڭعىش قاتىسۋشىسى «قازاقستان ارۋى» مارگاريتا كراۆتسوۆا بولعان، ول وندا جۇلدەلى ورىندى يەلەنگەن ەدى» - دەيدى كونكۋرستىڭ قازاقستانداعى ديرەكتورى فاريدا رايەۆا.