پاۆلودار وبلىسىنىڭ بۇرىنعى اكىمى ەرلان ارىن سوتتا وزىنە تاعىلعان ايىپتاردى جوققا شىعارۋدا
بۇرىنعى وبلىس اكىمى سوت وتىرىسىندا وعان تاعىلعان ايىپتاردى مويىندامادى.
«مەن ءوز كىنامدى مۇلدە مويىندامايمىن» ، - دەپ ءمالىم ەتتى ە. ارىن.
بۇرىنعى اكىم ق ر ق ك- ءنىڭ ءۇش بابى بويىنشا جەمقورلىق قىلمىسقا باردى دەپ ايىپتالۋدا. مەملەكەتتىك ايىپتاۋ نۇسقاسى بويىنشا سوتتا ونى راديمحان دۋبايەۆا تانىستىردى. ە. ارىن كاسىپكەردەن الداۋ جولىمەن 1 ميلليون 650 مىڭ تەڭگە كولەمىندە قارجى جىمقىردى، سونداي- اق باسقا كاسىپكەردەن تەندەردە جەڭۋى ءۇشىن 5 ميلليون تەڭگەدەن استام كولەمدە پارا الدى دەپ ايىپتالىپ وتىر.
ەسكە سالا كەتەيىك، ە. ارىن اعىمداعى جىلدىڭ 4 - ناۋرىزىندا قاماۋعا الىندى. باستاپقىدا وعان ونداعان ەپيزود بويىنشا قىلمىس جاسادى دەگەن ايىپ تاعىلعان بولاتىن. بۇل ءىس قازان ايىندا قايتا تەرگەۋگە تاپسىرىلدى. الايدا تەرگەۋشىلەر تاعىلعان ايىپتاردىڭ كوبىنە قاتىستى ايتارلىقتاي دالەلدەر تابا المادى.
