شەكاردان جاياۋ كەسىپ وتپەك بولعان قىتاي ازاماتتارى قولعا ءتۇستى
«قورعاس» باقىلاۋ- وتكىزۋ بەكەتىنىڭ شەكاراشىلارى قىتاي ەلىنىڭ 7 ازاماتىن توقتاتۋعا ءماجبۇر بولدى. ەلىمىزدەن بەلگىلەنگەن ۋاقىتتا شىعىپ كەتپەگەن ازاماتتار جاياۋ-جالپىلاپ كەلە جاتقان جەرلەرىنەن ۇستالدى»، دەلىنگەن حابارلامادا.
وڭتۇستىكتەگى «سارى اعاش» شەكارا وتريادىنىڭ شەكاراشىلارى دا شەكارا بۇزىپ ەلدەرىنە قايتىپ بارا جاتقان 134 وزبەكستان ازاماتىن ۇستادى.
«سول سەكىلدى، ەلىمىزدىڭ مەملەكەتتىك شەكاراسىن بۇزىپ كەلە جاتقان 130 شەكارا بۇزۋشى ءبىر مەزگىلدە ۇستالدى. ولار نەگىزىنەن قازاقستان رەسپۋبليكاسىنىڭ اۋماقتىق جانە ىشكى سۋلارىنداعى ءتارتىپتى، ەلىمىزدە بولۋ ءتارتىبىن جانە مەملەكەتتىك شەكارا رەجىمىن بۇزعاندار بولىپ تابىلادى» دەپ ناقتىلانعان حابارلامادا.
اتالعان دەرەكتەر بويىنشا قۇقىق قورعاۋ ورگاندارى حابارلاندىرىلدى. ۇستالعاندار اكىمشىلىك جازاعا تارتىلادى.
