قازاقستاننىڭ كوپتەگەن وڭىرلەرىن تاعى تۇمان باسادى

استانا. قازاقپارات - 9- قاراشادا قازاقستان اۋماعىنىڭ كوپتەگەن بولىگىندە فرونتالدىق اعىنداردىڭ وتۋىنە بايلانىستى كەيبىر جەرلەردە جاۋىن-شاشىن، تۇمان ءتۇسىپ كوكتايعاق بولادى، جەلدىڭ كۇشەيۋى كۇتىلۋدە، دەپ حابارلايدى «قازگيدرومەت» ر م ك.

جامبىل وبلىسىنىڭ كەيبىر جەرلەرىندە تۇمان ءتۇسىپ، كوكتايعاق بولادى، جەلدىڭ كۇشى 15-20 م/س دەيىن جەتەدى.

باتىس قازاقستان وبلىسىندا كەيبىر جەرلەردە تۇمان بولىپ، كۇندىز 15-20 م/س جىلدامدىقپەن جەل سوعادى.

قوستاناي وبلىسىنىڭ كەيبىر جەرلەرىندە تۇمان، كوكتايعاق بولادى دەپ بولجانۋدا، تاڭەرتەڭ جانە كۇندىز جەل ەكپىنى 18 م/س دەيىن جەتەدى.

شىعىس قازاقستان وبلىسىنىڭ كەيبىر جەرلەرىندە كوكتايعاق بولىپ، 15-20 م/س جەل تۇرادى.

قاراعاندى وبلىسىنىڭ كەيبىر جەرلەرىندە جەلدىڭ كۇشى 15-20 م/س دەيىن جەتەدى.

اقمولا، الماتى، اقتوبە وبلىستارىنىڭ كەيبىر جەرلەرىندە تۇمان، كوكتايعاق بولادى دەپ كۇتىلۋدە.

وڭتۇستىك قازاقستان، ماڭعىستاۋ، اتىراۋ، سولتۇستىك قازاقستان، كۇندىز پاۆلودار وبلىستارىنىڭ كەيبىر جەرلەرىندە تۇمان تۇسەدى.