مەملەكەت قاجەتتىلىگى ءۇشىن ساتىپ الىنعان جەر تەلىمىندە ءۇش بالاباقشا سالىنباق - استانا
استانا قالاسى ءماسليحاتى زاڭدىلىق، قۇقىق ءتارتىبى جانە قوعاممەن جۇمىس ىستەۋ جونىندەگى تۇراقتى كوميسسياسىنىڭ ءتوراعاسى نيكولاي مەشەرياكوۆتىڭ ايتۋىنشا، قازىرگى كەزدە جەر يەلەرىمەن 16 كەلىسىم جاسالدى، قاجەتتى كەلىسۋ پروتسەدۋرالارى جۇرگىزىلدى، دەپ حابارلايدى astana.kz.
ساتىپ الىناتىن جەرلەردىڭ كومسومولسكيي تۇرعىن الابىندا ورنالاسقان ۇشەۋى بالاباقشا سالۋعا بەرىلەدى. بۇدان باسقا، سارى ارقا اۋدانى اۋماعىندا، بوگەنباي باتىر داڭعىلى، كەنەسارى كوشەسى، سارىارقا داڭعىلى مەن كۇمىسبەكوۆ كوشەسىندە بەس جەر ۋچاسكەسى ساتىپ الىنادى. بۇلار ينجەنەرلىك جەلىلەر تارتۋ ءۇشىن پايدالانىلادى.
بۇعان دەيىن حابارلانعانداي، شاعىن اينالما جول سالۋعا (بەيسەكوۆا كوشەسى) ، بايتۇرسىنوۆ كوشەسىندە جاڭا مەكتەپ قۇرىلىسىنا، سونىمەن قاتار ميرزويان جانە № 42 كوشەلەردە 39 جەر ۋچاسكەسى ساتىپ الىنادى.
