بۇگىن قازاقتىڭ دارىندى ءانشىسى مەيرامبەك بەسپايەۆتىڭ تۋعان كۇنى

استانا. قازاقپارات - ...مەيرامبەكتەي ءانشى اعاسىن تۋعان كۇنىمەن الەۋمەتتىك جەلى ارقىلى قۇتتىقتاعان ايقىن تولەپبەرگەن وسىلاي دەپ جازعان ەكەن.

بۇگىن قازاق حالقىنىڭ ماڭدايىنا بىتكەن دارىندى ءانشىسى مەيرامبەك بەسپايەۆتىڭ تۋعان كۇنى. كىشكەنە كەزىندە ۇلكەن ساحنادا «بوزتورعايدى» شىرقاپ كوپشىلىكتىڭ سۇيىسپەنشىلىگە بولەنگەن ءانشى قانداي ءان ورىنداسا دا تىڭدارمانىنىڭ جۇرىگەنە جەتكىزە بىلەدى. قازاق ونەرىندەگى اردا ازاماتتى الاش جۇرتىمەن بىرگە «الاش ايناسى» ينتەرنەت-گازەتىنىڭ ۇجىمى دا تۋعان كۇنىمەن قۇتتىقتايدى.

بۇگىندە 38 جاسقا تولىپ وتىرعان مەيرامبەك جامبىل وبلىسى تالاس اۋدانىندا دۇنيەگە كەلگەن. ول تاراز قالاسىنداعى «گلينكا» اتىنداعى مۋزىكا مەكتەبىنىڭ قوبىز سىنىبىن بىتىرگەن. 1989 -جىلى ك. بەيسەيىتوۆا اتىنداعى مۋزىكالىق مەكتەپكە اۋىستى. 1994-1998 - جىلدارى ت. جۇرگەنوۆ اتىنداعى تەاتر اكادەمياسىندا ءبىلىم الدى. «بوزتورعاي»، «شاشباۋلىم»، «سىرعالىم» اندەرىمەن قالىڭ جۇرتشىلىققا تانىلعان ءانشى مەيرامبەكتىڭ بالا بەينەسى «العاشقى ماحاببات» ءفيلمى ارقىلى ەكراندا ساقتالىپ قالدى. ميلليون قىزدىڭ ارمانى، مارحاباداي ارۋدىڭ جان جارى اتانعان مەيرامبەك كاۋسار اتتى قىز تاربيەلەپ وتىر.

مەيرامبەك «مۋزارت» توبىنىڭ بەلدى ءانشىسى، تەرمەشى، دومبىراشى. ونەردىڭ بيىك شىعىن باعىندىرسا دا، مەيرامبەك ءوزىنىڭ قاراپايىمدىلىعىمەن تارتىمدى. قاشاندا ءوزىنىڭ ۇستازى التىنبەك قورازبايەۆتى قۇرمەتتەپ، دارىپتەپ وتىرادى، ونەردەگى ارىپتەستەرىنە سىيلى.

بۇگىن الەۋمەتتىك جەلىلەردىڭ بارلىعىندا مەيرامبەكتىڭ دوستارى، ارىپتەستەرى، تىڭدارماندارى، بارشا قازاق جۇرتى وزدەرىنىڭ سۇيىكتى ءانشىسىن تۋعان كۇنىمەن قۇتتىقتاۋدا.

اينۇر تۇرسىنبايەۆا، اقىن:

- مەيرامبەك ەكەۋمىز 1995 - جىلى تانىستىق... حالىقتىڭ جاعدايى قيىنداپ كەتكەن جىلدارى ءبىر ناندى ءبولىپ جەپ بىرگە جۇردىك... ءتىپتى ونىڭ اتا-اناسى، باۋىرلارىمەن ءبىر ۇيدە تۇردىق... اتا-اناسى ءوز اتا-انامداي بولدى... كوز الدىمدا قالىپتاستى، كوز الدىمدا مۇزارت قۇرىلدى... كوز الدىمدا ۇيلەندى. قارا قىزىمنىڭ وكىل اكەسى بولدى... ءار ءتۇرلى جاعدايلار دا بولدى ارامىزدا... ءبىراق ءبارىبىر دوس بولىپ قالدىق... تالاستا تۋىپ، الاشتىڭ ارىسىنا اينالعان دوسىما ەكى دۇنيەنىڭ باقىتىن تىلەيمىن! مارحاباتىڭ قوشقارداي ۇل تاۋىپ التى الاش جۇرتى سۇيىنشىلەتىپ وتىرسىن!!!

ساكەن مايعازيەۆ، ءانشى:

- اللا تاعالا قازاقتىڭ باعىنا بەرگەن مەيرامبەكتەي جۇرەكتى ءانشىنىڭ تۋعان كۇنى قۇتتى بولسىن، اعايىن! مەيرام دوسىما ەكى دۇنيەنىڭ باقىتىن تىلەيمىن. مارحابات التىن اسىقتاي ۇل سىيلاسىن.

«مۋزارت» فانكلۋبى:

- مەيرامبەك مىرزا، وسى قۋانىشتى كۇنى سىزگە دەنىڭىزدىڭ ساۋلىعىن، شاڭىراعىڭىزدىڭ ىرىس- بايلىعىن، اماندىعىن بارلىق تىڭدارماندارىڭىزدىڭ اتىنان تىلەيمىز! قۇرمەتتەيمىز، ءسۇيىپ تىڭدايمىز، ماقتان تۇتامىز، ارداقتايمىز!!! وسى كۇنگى ايتىلعان ءاربىر اق تىلەك پەرىشتەلەردىڭ قۇلاعىنا شالىنسا ەكەن دەيمىز! مۋزارت-تا دا، جەكە شىعارماشىلىعىڭىزدا دا حيت اندەر كوپ بولسىن.

Alashainasy.kz