قىتايدان جاڭا قاۋىپتى ۆيرۋس ايفون مەن ايپاد-قا شابۋىلداۋدا

استانا. قازاقپارات - Apple ونىمدەرىن قولدانۋشىلارعا iPhone جانە iPad، سونداي-اق كومپانيانىڭ باسقا دا جابدىقتارىن زاقىمدايتىن WireLurker اتتى جاڭا ءارى قاۋىپتى ۆيرۋس تۋرالى ەسكەرتۋ تاراتىلدى، دەپ حابارلايدى The New York Times.

قازىرگى ۋاقىتتا زيان كەلتىرگىش ب ج نەگىزىنەن قىتاي ونىمدەرىن قولدانۋشىلاردىكىن "بۇلدىرۋدە". ءبىراق ساراپشىلار مۇنىڭ عالامدىق سيپات الىپ كەتۋى ءتيىس ەكەندىگىن جوققا شىعارمايدى.

ۆيرۋس Mac OS X جانە iOS وپەراتسيالىق جۇيەلەرىندە جۇمىس جاسايتىن iPhone, iPad جانە باسقا دا جابدىقتارعا Apple ونىمدەرىنە ارنالعان قوسىمشالار ارقىلى تىسقارى ونلاين- دۇكەندەردەن ەنىپ كەتىپ، قولدانۋشىنىڭ اقپاراتتارىن كوشىرىپ الۋى مۇمكىن. امەريكالىق Palo Alto Networks كومپانياسىنىڭ دەرەكتەرى بويىنشا، WireLurker ۆيرۋسى 400 دەن استام قوسىمشالارعا "ىندەت" جۇقتىرعان.

سوڭعى جارتى جىلدا زارارلى ("ىندەت" جۇققان) باعدارلامالار 356 مىڭنانا ارتىق رەت كوشىرىلىپ الىنعان. ساراپشىلار بۇل iPhone, iPad جانە Apple ونىمدەرىنىڭ باسقا جابدىقتارىن قولدانۋشىلاردىڭ ءجۇز مىڭنان استام قۇرالدارىن ءبۇلدىرۋى مۇمكىن دەپ بولجاۋدا.

Palo Alto Networks كومپانياسى ساراپشىسىنىڭ ايتۋىنشا، iPhone جانە iPad تاردى زاقىمداۋشى ۆيرۋس باسقارۋشى سەرۆەردەن ءار ءتۇرلى تولىقتىرۋلار الا وتىرىپ، بەلسەندى دامۋ كەزەڭىندە. ساراپشىلار بوتنەتتىڭ - زاقىمدانعان جابدىقتار جەلىسىنىڭ - پايدا بولۋى ىقتيتمال ەكەكندىگىن دە ايتۋدا.

ولاردىڭ "قوجايىنىنا" باعىنا وتىرىپ، ءارتۇرلى ارەكەتتەردى ورىنداۋلارى دا مۇمكىن.

مىسالى، عالامتوردا ناقتى ءبىر سەرۆەرگە DdoS- شابۋىلدار ۇيىمداستىرۋى دا، سپامدار تاراتۋى دا مۇمكىن.

Tengrinews.kz