ادام جەگەن الىپ جىلاندى تەلەارنالار كورسەتەتىن بولدى
جىلاننىڭ «قۇربانى» بولۋعا دەرەكتى فيلمدى ءتۇسىرۋشى پول روزولي ەرىكتى تۇردە كەلىسكەن. ول اناكوندانىڭ ءتىسى باتپايتىن ارنايى كيىم كيىپ، وسىناۋ سىناققا قاتىسىپ كورمەك.
روزوليدىڭ بۇل ارەكەتىنە جانۋارلاردى قورعاۋشىلار نارازىلىق تانىتىپ وتىر. ال، ماماننىڭ ءوزى بولسا بىردە- ءبىر اڭعا زيان كەلمەيدى دەپ سەندىرۋدە.
پول روزولي ەڭ العاش رەت 18 جاسىندا امازونكانىڭ نۋ ورمانىندا بولىپ قايتقان. سودان بەرى ول ءوزىن تابيعاتتى قورعاۋشىمىن دەپ ەسەپتەيدى. «دجۋنگليگە اياق باسقان ساتتەن باستاپ مەن بالالىق ارمانىمنىڭ شىنايى ەمەس ەكەنىن ءتۇسىندىم، مەنىڭ ءومىرىم دجۋنگليدە ءوتۋى كەرەكتىگىن سول ساتتە- اق ۇقتىم» دەيدى ماماننىڭ ءوزى.
ال، ساراپشىلار بولسا اناكوندانىڭ روزوليدى جۇتاتىنىنا كۇمانمەن قارايدى. الىپ جىلان نەگىزىنەن جابايى دوڭىزبەن جانە وزگە دە جانۋارلارمەن قورەكتەنەتىنىن جانە جۇتپاستان بۇرىن سۇيەكتەرىن سىندىرىپ الاتىنىن ايتىپ وتىر. اناكوندانىڭ ادامعا شابۋىلداۋى وتە سيرەك كەزدەسەتىن قۇبىلىس دەيدى ولار.
baq.kz
