ۋساما بەن لادەندى ولتىرگەن ادامنىڭ ەسىمى جاريا بولدى
باسىلىمنىڭ مالىمەتىنشە، О'Нил 2011-جىلدىڭ 2- مامىرىندا امەريكالىق ارنايى جاساقتىڭ پاكىستاننىڭ اببوتاباد قالاسىنداعى ارنايى وپەراتسياسى بارىسىندا «ءال- كايدا» جەتەكشىسىنىڭ باسىنان ءۇش رەت اتقانى ءۇشىن جەكە ماراپاتقا يە بولعان. «ءنومىرى ءبىرىنشى لاڭكەستىڭ» كوزىن قۇرتقان ادام امەريكانىڭ مونتانا شتاتىنداعى بيۋتت قالاسىندا تۋىپ-وسكەن.
اسكەري قىزمەتتەن مەرزىمىنەن بۇرىن شىعارىلعان О'Нил ءتيىستى الەۋمەتتىك جەڭىلدىكتەردەن ايىرىلعاننان كەيىن ءوزىنىڭ كىم ەكەنىن جاريا ەتۋدى ۇيعارعان. باسىلىمنىڭ مالىمەتىنشە، ول 20 جىلدىق اسكەري قىزمەت مەرزىمىنىڭ 16 جىلىن وتكەرگەن. وسى ۋاقىت ىشىندە ءتۇرلى ۇرىس ارەكەتتەرى ايماعىنداعى اسكەري وپەراتسيالارعا، سونىڭ ىشىندە، يراك پەن اۋعانستانداعى قاقتىعىستارعا قاتىسىپ، 400 دەن استام جاۋىنگەرلىك مىندەتتى اتقارعان.
ەسكە سالا كەتەيىك، ۋساما بەن لادەن 2011-جىلدىڭ مامىرىندا ءولتىرىلدى. ساراپتاما جۇرگىزىلگەننەن كەيىن «ءال-كايدا» جەتەكشىسىنىڭ ءمايىتى اسا قۇپيا جاعدايدا تەڭىزگە جەرلەندى. ۋساما بەن لادەنگە 2001-جىلدىڭ 11- قىركۇيەگىندە نيۋ-يوركتە بولعان لاڭكەستىك ارەكەتتى ۇيىمداستىردى دەگەن ايىپ تاعىلدى. بۇل وقيعا كەزىندە 3000 عا جۋىق ادام وپات بولعان ەدى.
