قىتاي پرەزيدەنتى الەمدەگى ەڭ بەدەلدى ادامدار قاتارىندا ءۇشىنشى ورىندا
Forbes پۋتيندى «كورروزياعا ۇشىراعان، ءبىراق وشپەندى، ەنەرگەتيكالىق ءارى يادرولىق دەرجاۆانىڭ سىر الدىرمايتىن جانە ەشكىمگە ەسەپ بەرمەيتىن باسشىسى» دەپ سيپاتتادى.
ءتىزىمنىڭ ەكىنشى ورنىنا ا ق ش پرەزيدەنتى باراك وباما جايعاستى. ءۇشىنشى ورىندا - ق ح ر جەتەكشىسى شي جينپيڭ.
رەيتينگتىڭ بۇدان كەيىنگى ورىندارىن ريم پاپاسى فرانتسيسك، گەرمانيا كانتسلەرى انگەلا مەركەل، ا ق ش فەدەرالدىق رەزەرۆ جۇيەسىنىڭ باسشىسى دجانەت يەللەن، الەمنىڭ ەڭ باي ادامدارىنىڭ ءبىرى بيلل گەيتس، ەۋرووداقتىڭ ورتالىق بانكىنىڭ باسشىسى ماريو دراگي، Google-ءدىڭ نەگىزىن قالاۋشىلار لارري پەيدج بەن سەرگەي برين جانە ۇلى بريتانيا پرەمەر-ءمينيسترى دەۆيد كەمەرون يەلەنىپ وتىر.
الەمنىڭ ەڭ ىقپالدى 72 تۇلعاسىنىڭ قاتارىنا قازاقستاننان بىردە-ءبىر ادام ەنگەن جوق. ەسەسىنە تىزىمنەن قازاقستاندىقتارعا جاقسى تانىس بولات قۇيۋ ماگناتى لاكشمي ميتتال (57-ورىن) مەن «يسلام مەملەكەتى» تەررورلىق توبىنىڭ جەتەكشىسى ءابۋ باكىر ءال-باعدادي (54-ورىن) تابىلدى.
پۋتينمەن بىرگە بۇل تىزىمگە رەسەيدەن «روسنەفت» پرەزيدەنتى يگور سەچين (42-ورىن)، «گازپروم» باسقارما ءتوراعاسى الەكسەي ميللەر (47-ورىن) جانە رەسەيدىڭ ەڭ باي ميللياردەرى الىشەر وسمانوۆ (61-ورىن) كىرىپ وتىر.
