20:12, 05 - قاراشا 2014 | GMT +5
قازاقستان ءومىر سۇرۋگە جايلى مەملەكەتتەردىڭ قاتارىنا ەندى
استانا. قازاقپارات - ءومىر سۇرۋگە قولايلى مەملەكەتتەر تىزىمىندە قازاقستان 55- ورىندى يەلەندى.
ءبىر جىلدىڭ ىشىندە ەلىمىز ءبىراز تومەندەگەن.
بۇدان بۇرىن 47- ورىندا تۇرعان ەدىك. جىل سايىن ۇلى بريتانيانىڭ Legatum Institute ساراپتاما ورتالىعى 142 مەملەكەتكە وسىنداي زەرتتەۋ جۇگىزىپ تۇرادى.
ساراپتاما بارىسىندا سول مەملەكەتتەردىڭ قوعامداعى ورنى مەن حالقىنىڭ ءال-اۋقاتى باسشىلىققا الىنادى. بۇرىنعى كەڭەس وداعىنىڭ قۇرامىنا كىرگەن ەلدەر ىشىندە ليتۆا مەن لاتۆيا كوش باستاپ تۇر. ت م د بويىنشا بەلارۋستىڭ كورسەتكىشى جاقسى، ول 53- ورىندا.
ال رەسەي 68- ساتىدا. بۇعان دەيىن «بوستاندىق سۇيگىش ەل» اتانعان ا ق ش، ۋرۋگۆاي مەن كوستا-ريكادان كەيىن تۇر. جالپى، ءومىر سۇرۋگە قولايلى ۇزدىك بەستىككە نورۆەگيا، شۆەيتساريا، جاڭا زەلانديا، دانيا جانە كانادا كىرگەن.
«ktk»
