19:29, 05 - قاراشا 2014 | GMT +5
انتاركتيدا تۇرعىندارىنا العاشقى قۇران كارىم جەتكىزىلەدى
استانا .قازاقپارات - ۇستىمىزدەگى جىلدىڭ 4 - جەلتوقسان كۇنى ورىس گەوگرافيالىق قوعامىنىڭ سۋ استى- زەرتتەۋ توبى قازان كرەملىنىڭ وكىلىمەن بىرگە «انتاركتيدا-100» ەكپەديتسياسىنا اتتاناتىن بولدى.
سونداعى قورىق مۋزەيىنىڭ ديرەكتور ورىنباسارى انتون رايحشتاتتىڭ ايتۋىنشا، زەرتتەۋ توبى جاعالاۋ دەڭگەيىنەن 100 م تومەندىككە دەيىن ءتۇسىپ، زەرتتەۋ جۇمىستارىن جۇرگىزەدى. انتراكتيدا جاعالاۋلارىندا 20 مەتردەن تومەن وسى ۋاقىتقا دەيىن ەشكىم سۇڭگىمەگەنىن ەسكەرسەك، بارلاۋ توبىنىڭ بۇل مەجەسى - رەكوردتىق كورسەتكىش.
الايدا، ايتپاق جاڭالىعىمىز - بۇل ەمەس، سۋ استى- زەرتتەۋ توبى انتاركتيداعا العاش رەت قاسيەتتى قۇران كارىمدى اپارماق. قازان قالاسىنداعى قۇداي انا ەسكەرتكىشى مەن قاسيەتتى قۇراندى ولار پوليارلىق تۇرعىندارعا سىيعا تارتپاق.
