تەڭدەسسىز تەحنولوگيامەن جاسالعان الىپ كەمە
ۇزىندىعى - ەڭ ءىرى دەگەن 5 «بوينگتەن» اسادى. بيىكتىگى الەمنىڭ جەتى كەرەمەتىنىڭ ءبىرى مىسىر پيراميدالارىنان 2 جارىم ەسە ۇلكەن. ال ەنى اۋماعىنا 3 باسكەتبول ستاديونى ەمىن- ەركىن سىيىپ كەتەدى.
جالپى كەرەمەت كەمەنىڭ 18 قاباتى، 2 مىڭ بولمەسى مەن 20 مەيرامحاناسى بار. وسىنىڭ ءبارى 175 مىڭ توننانى قۇرايدى. مۇندا ءبارى - وزىق تەحنولوگيالى. بارلىق اقپارات ەلەكتروندى چيپتاردا ساقتاۋلى. كوكتەيلگە عالامتور ارقىلى تاپسىرىس بەرۋگە بولادى. ال ونى قۇلتەمىرلەر دايىنداپ بەرەدى.
الەسساندرو ينسيسا، Bionic Bar جوباسىنىڭ جەتەكشىسى:
- باردىڭ قاسىنا كەلسەڭىز، روبوتتار كوكتەيلدى وزدەرى جاساپ بەرەدى. مۇندا 8 ءتۇرلى شىرىن جانە ءشاربات، قانت، جالبىز، ليمون ىشە الاسىز. كەمەنىڭ ىشىندە روليكپەن نەمەسە كادىمگى كولىكپەن قىدىرۋعا مۇمكىندىك بار. قاۋىپسىزدىك جاعى دا جاقسى ويلاستىرىلعان. قاتتى تەڭسەلگەن كەزدە تەپە- تەڭدىكتى ساقتاپ تۇراتىن قۇرالدار جانە ەرەسەكتەر مەن بالالار ءۇشىن ارنايى قورشاۋلار قاراستىرىلعان.
