10:44, 04 - قاراشا 2014 | GMT +5
موڭعوليادا العاش رەت ءىلبىس پەن اق بارىستى قورعاۋ كۇنى اتالىپ ءوتتى
استانا. قازاقپارات - موڭعوليا العاش رەت ءىلبىس جانە اق بارىستى قورعاۋ حالىقارالىق كۇنىن اتاپ ءوتتى، دەپ حابارلادى «موڭعوليا داۋىسى» اگەنتتىگى.
بۇعان دەيىن اق بارىس مەكەندەيتىن 12 ازيالىق مەملەكەتى بىلتىر بىشكەكتە وتكەن بۇكىل الەمدىك فورۋمى بارىسىندا اتالعان اڭداردى قورعاۋ جانە ساقتاۋ بويىنشا حالىقارالىق كۇندى اتاپ ءوتۋ قاجەتتەگىن كوتەرگەن.
موڭعوليا اتالعان يدەيانى قولعا العان العاشقى ەلدەردىڭ ءبىرى بولدى. قازىرگى ۋاقىتتا موڭعوليا سانى جاعىنان ءىلبىس مەكەندەيتىن ەلدەر اراسىندا قىتايدان كەيىن ەكىنشى ورىندا تۇر.
ايتا كەتۋ كەرەك، سوڭعى جيىرما جىلدا موڭعوليا ۇكىمەتى اڭداردىڭ پوپۋلياتسياسىن قورعاۋ ءارى ساقتاۋدا ءونىمدى جۇمىستار اتقارىپ كەلەدى.
