11:36, 03 - قاراشا 2014 | GMT +5
جەكسەنبى كۇنى ۋكراينادا وتكەن سايلاۋلاردى الەمنىڭ بىرنەشە ەلى مويىندامايتىنىن ايتۋدا
استانا. قازاقپارات - جەكسەنبى كۇنى «لۋگانسك» پەن «دونەتس» حالىقتىق رەسپۋبليكالارىندا سايلاۋ ءوتتى. مۇندا يگور پلوتنيتسكيي مەن الەكساندر زاحارچەنكو جەڭىسكە جەتتى.
زاحارچەنكو ءتىپتى، «دونەتسك حالىقتىق رەسپۋبليكاسى» كيەۆپەن ديالوگ ورناتۋعا دايىن ەكەنىن جەتكىزدى. ءبىراق، ۋكراينا تۇرماق، ا ق ش، ەۋروپالىق وداق تا بۇل سايلاۋلاردى زاڭدى دەپ تانىماي تاستادى.
ۋكراينا كوشباسشىسى پەتر پوروشەنكو وتكەن سايلاۋدى «كۇشتەپ وتكىزىلگەن ەرسى ءازىل» دەپ اتادى. ال، رەسەيدىڭ پوزيتسياسى بولەك. ەلدىڭ سىرتقى ىستەر مينيسترلىگى رەسمي ماسكەۋ شىعىس ۋكراينا اۋماعىنىڭ تۇرعىندارى جاساعان تاڭداۋدى قۇرمەتتەيتىنىن، ۋكراينادا قالىپتاسقان احۋالدى قالپىنا كەلتىرۋ ءۇشىن سەپتەسەتىنىن جەتكىزدى.
ەسكە سالايىق، 2 - قاراشا كۇنى دونەتسك پەن لۋگانسك حالىقتىق رەسپۋبليكالارىندا كوشباسشى مەن دەپۋتات سايلاۋلارى ءوتتى.
«استانا» ارناسى
