21:33, 02 - قاراشا 2014 | GMT +5
پالەستينالىق ازامات جىنىسىن ءوز قولىمەن اۋىستىرماق بولعان
استانا. قازاقپارات - پالەستينالىق ازامات جىنىسىن ءوز قولىمەن اۋىستىرماق بولعان. بۇل تۋرالى Tengrinews.kz حابارلايدى.
باسىلىمنىڭ مالىمەتىنشە، ليۆانداعى سيدون قالاسىنىڭ اۋرۋحاناسىنا ەر ادام باسا-كوكتەپ كىرگەن. ول جانۇشىرىپ ايقايلاپ، دارىگەرلەرگە كەسىلگەن ورگاندارى بار قارا پوليەتيلەن پاكەتتى ۇستاتقان.
اۋىرۋ دارىگەرلەرگە ءوزىنە-ءوزى جىنىس اۋىستىرۋ وپەراسياسىن جاساماق بولعانىن ايتتى. ەر ادام مۇنداي وپەراسيانى قالاي جاساۋعا بولاتىنى تۇسىرىلگەن Youtube-تەگى بەينەجازبانى باسشىلىققا الىپتى. بۇل بەينەجازبانى نەگىزگە الۋدى دوسى ۇسىنعان.
وپەراسيا ۇستەلىندە جاتقان پالەستينالىق دارىگەردەن ءوزى باستاعان جىنىس اۋىستىرۋ وپەراسياسىن جالعاستىرۋدى ءوتىندى. ءبىراق دارىگەر ونىڭ ءوتىنىشىن ورىندامادى. قازىر بۇل وقيعانى جەرگىلىكتى قۇقىق قورعاۋ ورگاندارى تەرگەپ جاتىر.
