16:19, 27 - قازان 2014 | GMT +5
اققۋلاردى ۇشىرعان شوشقالار ەكەن
استانا .قازاقپارات - الماتى وبلىسىندا پولشالىقتار جىلىنا 15 مىڭ توننا دوڭىز ەتىن وندىرەتىن كەشەن سالىپ ءبىتىردى. دوڭىز ەتى الدىمەن رەسەيگە ەكسپورتتالىپ، سودان كەيىن باسقا ەلدەرگە شىعارىلماق.
وسىندايدا اڭىزعا بەرگىسىز وقيعا ەسكە تۇسەدى. ەرتەرەكتە، كوممۋنيستەر بيلىگىنىڭ تۇتەپ تۇرعان كەزىندە، قازاقتىڭ ءبىر كيەلى جەرىنە قورا- جاي سالىنباق بولادى. سويتسە، الگى ماڭعا تراكتورلار بارا الماي قويادى. قۇرىلىس تا جۇرمەيدى. قۇرىلىسشىلار "نە ىستەۋ كەرەك؟ " دەپ داعدارعاندا ءبىر قۋتۇياق: "بۇل ماڭعا شوشقا اكەلىپ جايۋ كەرەك" دەگەندى كەڭەس ەتىپتى. شوشقالار قورسىلداپ كەلگەن بەتتە الگى اۋليەلى جەردەن قاڭقىلداپ قوس اققۋ ۇشىپ كەتە بارعان ەكەن. قازاق جەرىنىڭ كيەسىن كەتىرۋدىڭ بۇل دا ءبىر امالى بولسا كەرەك.
داۋرەن قۋات
Facebook-تەگى پاراقشاسىنان
