يسلام ساياساتكەرلەردىڭ جۇرەگىن جىبىتۋدە

استانا. قازاقپارات - نۋازي-لە-گران ەلدىمەكەننىڭ قالالىق كەڭەسىنە «ۇلتتىق فرونت» پارتياسى اتىنان سايلانعان ماكسەنس باتتەي ارىپتەستەرىنە اسىل دىنىمىزگە ءوتىپ، مۇسىلماندىقتى قابىلداعانى جايلى حابارلادى.

بەينەبايان ارقىلى يسلام ءدىنىنىڭ جالپى ادامزاتقا جىبەرىلگەن تۋرا جول ەكەندىگىن، ونىڭ ايداي انىق اقيقاتتىعى مەن ادىلەتتىلىگى جايلى ءسوز قوزعاعان 22 جاسار جىگىت پارتيالاس دوستارىن مۇسىلمان اتانۋعا ۇندەگەن.

جاس ساياساتكەر يسلام ءدىنى 11 - قىركۇيەكتە ورىن العان وپاتتان سوڭ زەرتتەي كەلە، اتالمىش وقيعا جايلى ا ق ش-نىڭ رەسمي مالىمدەمەسىنەن كەرەعار كوپ نارسەنى اڭعارادى. وسىلايشا، ول يسلامنىڭ شىنىمەن زورلىق-زومبىلىققا، ءجابىر كورسەتۋگە شاقىراتىن ءدىن ەكەنىن انىقتاۋعا بەكىنىپ، وزدىگىنشە ىزدەنە باستايدى. ناتيجەسىندە - اللا تاعالا ماكسەنس باتتەيدىڭ تۋرا جولعا ءتۇسىپ، مۇسىلمان اتانۋىن ءناسىپ ەتتى.

مارين لە پەن باسشىلىق ەتەتىن پارتيا باسشىلىعى باتتەيدىڭ بۇل ارەكەتىنە قالاي قابىلدارىن بىلمەي دال بولۋدا.

ايتا كەتەيىك، «ۇلتتىق فرونت» پارتياسى كوپتەگەن جىلدار بويى اشىق تۇردە يسلامعا قارسىلىق ءبىلدىرىپ كەلە جاتقان بولاتىن.

«مەن كاتوليك بولاتىنمىن. ءىنجىلدى وقىعانىمدا، كوپتەگەن قاراما-قايشىلىقتارعا كەز بولاتىنمىن. ال، قاسيەتتى قۇران كارىمدى وقي باستاعانىمدا، مەن ونىڭ ادامزاتقا جىبەرىلگەن سوڭعى ءدىن ەكەنىنە كوزىم جەتتى»، -  دەيدى ول.

muslim.kz